Tert.am-ը գրում է.
ԱԺ «Հանրապետական» խմբակցության պատգամավոր, նախկին վարչապետ Խոսրով Հարությունյանին Tert.am-ը խնդրեց անդրադառնալ այն հարցին, թե արդյոք հակասություն չի տեսնում, որ ներկայիս կառավարությունը աշխատելու է նախկին կառավարության մշակած հարկային օրենսգրքով:
«Եկեք փաստենք, որ այս կառավարությունը, թեպետ նոր ձևավորված է, կազմով նոր է, այդուհանդերձ շարունակելու է այն քաղաքականությունը, որը պետք է փորձի ապահովել ՀՀԿ-ի և երկրի Նախագահի նախընտրական ծրագրերը և դառնա նախորդի իրավահաջորդը: Բոլոր կառավարություններն այդ խնդիրն են լուծում և հարկային օրենսգիրքը, ըստ էության, նույն նպատակն է հետապնդում: Առերևույթ դուք ճիշտ եք, այս օրենսգիրքը ներկայացվում է նախորդ կառավարության կողմից»,- ասաց նա և նշեց, որ Կարեն Կարապետյանը և նորանշանակ նախարարները քննարկումներն անցկացնում են երկրորդ ընթերցման համար ներկայացված տարբերակի շուրջ:
Խոսրով Հարությունյանը նկատեց, որ տնտեսական բլոգը ներկայացնող անձիք նախկինում նույնպես զբաղվել են հարկային օրենսգրքի մշակմամբ, և նրանք եկել են այն եզրակացության, որ երկրորդ ընթերցման ներկայացված տարբերակը համապատասխանում է այն հիմնական սկզբունքներին, որոնք կառավարությունը, հավանաբար, նախատեսում է ներկայացնել գործունեության ծրագրի տեսքով:
Ըստ նրա՝ այսօր կանգնած ենք պետական բյուջեն համադրելու, բյուջետային կարողություններն ավելացնելու անխուսափելի անհրաժեշտության առաջ, որին պետք է հասնել ստվերի կրճատմամբ: Նա ասաց, որ ինքն անձամբ հարկային օրենսգրքի հետ կապված արել է վեց տասնյակից ավելի առաջարկություններ, որոնց ճնշող մեծամասնությունն ընդունվել է:
Ամբողջական հոդվածը կարող եք կարդալ այստեղ
