Տեղական կազմակերպությունների հաջողությունները մեծ ազդեցություն ունեն ներդրումային դաշտի ձևավորման վրա:
Ազգային ընկերությունների հաջողությունները չեն կարող չուրախացնել: Ողջունելի է, երբ կազմակերպությունները ընդլայնում են իրենց գործունեության հարթակը և փորձում դառնալ ավելի ճանաչելի:

Այս դեպքում խոսքը գնում է Հայաստանի փոստային կապի ազգային օպերատորի մասին, որը սկսելու է իրականացնել բեռնափոխադրումներ դեպի Եվրոպա:

Կազմակերպության առաջընթացը կարող է նաև նպաստել սպասարկման վարձի գների նվազեցմանը: Հոկտեմբերի մեկից Հայփոստն իրականացնելու է փոստի և բեռների կանոնավոր չվացուցակով պարբերական փոխադրումներ դեպի Եվրոպա և հակառակ ուղղությամբ, ինչը հնարավորություն կտա ամրապնդել կապը եվրոպական մի շարք երկրների հետ:

Գործընթացը իրականացնելու համար ազգային ընկերությունը գնել է 2 նոր բեռնատար մեքենա, ինչպես նաև 12 ֆուրգոն:
Ընդանուր առմամբ՝ ավտոմեքենաների գնման համար ծախսվել է 1 միլիոն դոլար: Ինչ վերաբերում է շարժակազմին, ապա այն համալրվել է 140 ավտոմեքենաներով:
Թարմացումը հնարավորություն կտա կազմակերպությանը դառնալ ավելի պահանջված և մրցունակ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել