Operativ.am-ը գրում է.
Հանրապետական կուսակցությունից ԱՄՆ-ի նախագահի թեկնածու Դոնալդ Թրամփը Իսրայելի վարչապետ Բենյամին Նեթանյահուի հետ Նյու Յորքում հանդիպման ժամանակ հայտարերել է, որ ճանաչելու է Երուսաղեմը Իսրայելի մայրաքաղաք, եթե հաղթի նախագահական ընտրություններում: Այս մասին գրում է Gazeta.ru-ն` հղում անելով միլիարդատիրոջ նախընտրական քարոզարշավի կայքին:
«Պարոն Թրամփը ճանաչել է, որ Երուսաղեմը եղել է հրեական ժողովրդի հավերժ մայրաքաղաքը ավելի քան 3 հազար տարի շարունակ, և որ Միացյալ Նահանգները Թրամփի օրոք ի վերջո կընդունի Երուսաղեմը Իսրայել պետության անբաժան մայրաքաղաք ճանաչելու կոնգրեսի հին որոշումը»,-գրված է հաղորդագրության մեջ:
Թրամփն ու Նեթանյահուն նաև քննարկել են ԱՄՆ-ի և Իսրայելի միջև հարաբերությունները, այդ թվում` Իսրայելին ռազմական օգնությունը, անվտանգությունն ու կայունությունը:
