Tert.am-ը գրում է.
Այսօր Արագածոտնի մարզի Ծաղկահովիտ համայնքում տեղի է ունեցել « Սասնա ծռեր» խմբի անդամ, համայնքապետի թեկնածու Արայիկ Խանդոյանի (Միայնակ Գայլ) շտաբի կազմակերպած հանրահավաքը, որի ընթացքում նրա ներկայացուցիչները հանդիպել են համայնքի բնակիչների հետ:
Այս մասին Tert.am-ի հետ զրույցում ասաց Արայիկ Խանդոյանի փաստաբան Արայիկ Պապիկյանը:
«Հավաքին մասնակցում էին համայնքի բնակիչները. Արայիկ Խանդոյանի մարտական ընկերները, ովքեր իրենց աջակցությունն էին հայտնում Խանդոյանին, համագյուղացիներն էին ներկա, և որևէ մեկը կասկած չուներ, որ Արայիկ Խանդոյանը հաղթելու է համայնքապետի ընտրություններում: Կա համոզմունք և վստահություն, որ Արայիկ Խանդոյանը հաղթելու է, և բոլորը, ովքեր ելույթ ունեցան, այդ համոզմունքը հայտնեցին»,-ասաց Պապիկյանը:
Հարցին, թե Արայիկ Խանդոյանի վստահված անձանց չէին թույլատրում հանդիպել Խանդոյանի հետ, այժմ թույլտվություն կա՞, Արայիկ Պապիկյանն ասաց, որ այսօր վստահված անձինք թույլտվություն ստացել են երեք օրվա համար:
Ամբողջական հոդվածը կարող եք կարդալ այստեղ
