ՌԴ, Բուլղարիա, Վրաստան. ՀՀ-ից արտահանման թոփ 3-ը
Եթե ուսումնասիրենք ՀՀ-ից արտահանման վերջին յոթ ամիսների ցուցանիշները, ապա կտեսնենք որ նախորդ տարվա նույն ժամանակահատվածի համեմատ առկա է դրական միտում դեպի մի շարք պետություններ: Փորձենք առանձնացնել դրանցից առավել կարևորները:
Հայաստանից արտահանման մոտ 20,3 տոկոսը բաժին է ընկնում Ռուսաստանին: Այս տարվա առաջին յոթ ամիսների ընթացքում արտահանումը ավելացել է 71,8 կամ մոտ 82 միլիոն դոլարով:
Երկրորդ տեղում արտահանումն է դեպի Բուլղարիա՝ ընդհանուրի 9,5 տոկոսը կամ մոտ 91 մլն դոլար: Ընդանուր առմամբ նախորդ տարվա նույն ժամանակահատվածի համեմատ արտահանումը աճել է 2,1 տոկոսով:
Հաջորդը կարելի է առանձնացնել Վրաստանը, որտեղ արձանագրվել է արտահանման 49,5 տոկոս աճ: Դրամական տեսանկյունից աճը կազմել է 29 մլն դոլար:
Արտահանման ծավալների աճի դրական միտում է առկա նաև ՄԱԷ-ի հետ հարաբերություններում: Այստեղ էքսպորտը ավելացել է 5,1 անգամ:
Իրաքի հետ տնտեսական հարաբերությունները նույնպես դրական են: Արտահանման ծավալները այս երկրի հետ հնարավոր է եղել ավելացնել 11,4 տոկոսով:
