168.am–ը գրում է.

ԱՄՆ զինված ուժերի միացյալ շտաբների պետ, գեներալ Ջոզեֆ Դանֆորդը, ով այցով գտնվում է Թուրքիայում, երկուշաբթի հայտարարել է, որ իսլամական ընդդիմադիր գործիչ Ֆեթհուլլահ Գյուլենի արտահանձնման հարցը դիտարկվելու է ԱՄՆ իրավական նորմերի հիման վրա:

«Գյուլենի արտահանձնման հարցը կգնահատվի ամերիկյան արդարադատության կանոնների շրջանակներում: Թուրքիայի հետ բարեկամական հարաբերությունները կշարունակվեն»,- Ջոզեֆ Դանֆորդի խոսքերն է մեջբերում թուրքական Ihlas լրատվական գործակալությունը:

Թուրքիան պաշտոնապես հայտ է ներկայացրել ԱՄՆ-ին՝ Գյուլենի արտահանձնման համար և Վաշինգթոնին է տվել վերջինիս հանցագործությունների վերաբերյալ մի շարք դոսյեներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել