Տարբեր երկրներում, տարբեր տարիքի, տարբեր սեռի, տարբեր մարդիկ, տարբեր անուններով ու սպասումներով, տարբեր ներքին ժամանակներով ու մի քանի ընդհանուր երազանքով. ընդամենը:
Ես ու Դու...
Իմ տղամարդը, գուցե օվկիանոսներ այն կողմ, գուցե մի քանի շենք, գուցե մի քանի գյուղ, գուցե մի քանի մարդ այն կողմ, իմ տղամարդը...
Մեկ-մեկ հոտդ առնում եմ օտարներից, մեկ-մեկ ճանաչում-գտնում տարբեր կինոների տարբեր դերասանների մեջ, երբեմն կորցնում հոտդ, ձայնդ, դեմքիդ միմիկան խմելիս, ծխելիս, երբեմն կորցնում քեզ:
Ես գալիս եմ քեզ ընդառաջ ու տեղ եմ թողնում, որ դու էլ մոտենաս, որ դու էլ գաս, որ ես էլ լինեմ քո ընտրությունը, ինչպես դու ես իմը: Ճանապարհը երկար է, ոլոր-մոլոր ու հատկապես մոլոր.
հեռվից հեռու սիրելը հեշտ է ու դժվար. մոտիկությունը վառում է. ուրիշ մոտիկություն. ներսից ներս կամուրջ է, երբեմն կամուրջը վերանում է, միայն երբեմն...
...
Կհորինեմ ու կզգամ այն, ինչը կբացի ներսումս լիքը-լիքը փակ տեղեր, որոնք չեն բացվում ոչ գիրք կարդալիս, ոչ լավ երաժշտություն լսելիս ու ոչ էլ...Ես անընդհատ պատմություններ եմ գրում, սիրուն պատմություններ
Պտույտ, պտույտ, էլի պտույտ, մի հատ էլ: Մտքեր իմ շուրջ, քո շուրջ, երկրագնդի, մարդկանց...
Անընդհատ դեպի ներս եմ փորում...
Շարունակությունն` այստեղ
