Ազգայինի յաղթանակը, գլոբալիզմի պարտութիւնը...
Աւելի քան չորս տասնամեայ անդամութիւնից յետոյ, Եւրոպայի երբեմնի ախոյեան Անգլիան միակողմանի ՙքաղաքական ապահարզանի՚ յայտ ներկայացրեց նոյն եւրոընտանիքին: Ընտանեկան տւեալ ՙկաշկանդւածութիւնից՚ ձերբազատւելու համարձակութիւնը վերագրելի է նոյնինքն անգլիական ժողովրդին, որն ՙԱշտոն-Քեմերոնային՚ եւրոպետական իշխանապետական համակարգի տեւական դիպլոմատիային դէմ-յանդիմանª հանրաքւէով արտայայտեց իր կամքը:
Գերտէրութիւններիª ԱՄՆ, Չինաստան, Ռուսաստան եւ ինքըª Եւրոմիութեան գլխաւոր խաղացողների համարժէք թեր, դէմ, թէ° ձեռնպահ արձագանգները վկայեցին առ այն, որ ՙքաղաքական երկրաշարժ Եւրոպայում՚ բնութագիրը արդէն իսկ իրողական ապացոյց է:
Պատճառ-հետեւանքային հետագայ կարճատեւ ու երկարաժամկէտ քաղաքա-տնտեսական իրադարձութիւնների մասին կանխագուշակումներից զերծ մնալով հանդերձ, սակայն, արձանագրելի են հետեւալները.-
1-Անգլիացին դրսեւորեց անկախական ձգտումների իր կամքըª թէկուզեւª հարա-զատ, բայց Եւրոընտանեկան բիւրոկրատիկ կապանքներից ու կախւածութիւնից:
2-Անգլիան իր հանրաքւէով նաեւ ու մանաւանդ ցուցաբերեց ազգային արժեհամակարգին վերակառչելու գիտակցւած դիրքորոշում, հիասթափւելով այսպէս ասածª տնտեսա-քաղաքական գլոբալ-լիբեռալ արհեստածին, անդէմ ու ապազգային արժեհամակարգի ՙօրինաչափութիւններից՚...
3-Անգլիայի հանրաքւէն հէնց առաջինը որպէս դրական արձագանգեցին նոյնինքն Եւրոմիութեան առաջնակարգ ու դեռեւս անդամ երկրների (Ֆրանսիա, Իտալիա, Հոլանդիա, Յունաստան, Իսպանիա...) ազգային կուսակցութիւններն ու առաւել անկախ համակարգերի ձգտող ուժերը:
Ահաւասիկ.-
ՙԵւրոպայի քաղաքական երկրաշարժը՚ անխուսափելիօրէն ճաքեր է տալու թէ° իւրային, եւ թէ° անդրեւրոպական ինչպէս քաղաքական, այնպէս էլ տնտեսական միջազգային փոխյարաբերութիւնների լայնարձակ աշխարհագրութիւններում..., որից էլ բխելու է ի վերջոյ, եթէ ոչ ՙԵւրոմիութեան փլուզումը՚, բայց հաստատապէսª տրոհման ու փլուզման սկիզբը:
ԱԼԻՔ՚ ՕՐԱԹԵՐԹԻ ԳԼԽԱՒՈՐ ԽՄԲԱԳԻՐ
ԴԵՐԵՆԻԿ ՄԵԼԻՔԵԱՆ
