Տեղեկատվական տեխնոլոգիաները Հայաստանում ունեն զարգանալու դրական միտում: Վերջին տարիներին արձանագրած ցուցանիշները խոսում են այն մասին, որ ոլորտի համար տրամադրվող պետական,մասնավոր և արտասահմանյան աջակցությունը տալիս է իր ցանկալի արդյունքը:

Շատ կարևոր է, որ երիտասարդները ստանան հարթակ, որտեղ կարող են դրսևորել իրենց: Նման բան հնարավոր է իրականացնել տարատեսակ մրցույթների միջոցով:

Այդ մրցույթներից վերջինը տեղի է ունենում այս օրերին: Հունիսի 25-ին Demo Day-ի շրջանակում 6 թիմեր կներկայացնեն իրենց գաղափարները, և կընտրվեն մրցույթի հաղթողները:

Մասնակցելու ցանկություն են հայտնել 40 դիմորդ, որոնցից ընտրված մասնակիցները հնարավորություն են ստացել օգտագործել IBM Watson արհեստական բանականության կողմից տրամադրվող ծառայությունները, ինչը հնարավորություն է տալիս սեփական լուծումը դարձնել «խելացի»՝ առանց մեծ ջանքեր գործադրելու:

Մրցույթի հաղթող երկու թիմերը կստանան հազար դոլարին
համարժեք դրամական մրցանակներ: Լավագույն թիմերին կառաջարկվի շարունակել իրենց աքսելերացիան ISTC կենտրոնում, որը կբացվի հուլիսին:

Սպասվում է, որ հաջորդ ամիս կկազմակերպվի նաև
ամենամյա IBM Bluemix Hackathon-ը, իսկ սեպտեմբերին նորաբաց կենտրոնում կմեկնարկի ISTC Acceleration առաջին փուլը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել