ԱՄՆ-ն պետք է լրացուցիչ ջանքեր գործադրի «կառուցվածքային ռասայական խտրականության» դեմ պայքարի համար: Այդ մասին ասել է մարդու իրավունքների գծով ՄԱԿ-ի գերագույն հանձնակատար Զեյդ Ռադ ալ Հուսեյնը, ելույթ ունենալով ՄԱԿ-ի մարդու իրավունքների խորհրդի 32-րդ նստաշրջանում, հայտնում է TASS-ը:
Չնայած քաղաքացիական իրավունքների ոլորտում ԱՄՆ դաշնային օրենսդրությունն իրավիճակի վրա «գործել է անկասկած դրական ազդեցություն», սակայն շատ աֆրոամերիկացիների հարկ է լինում «պայքարել լիակատար հավասարության իրավունքի ապահովման համար», նշել է նա:
«Անհրաժեշտ է ավելին անել երկրում կառուցվածքային ռասայական խտրականությունը արձագանքելու համար»,- ընդգծել է նա և ավելացրել, որ ԱՄՆ-ի իրավապահ մարմիններում պաշտոնական պարտականությունների չարաշահումների մեջ մեղավոր աշխատակիցները պետք է պատասխանատվության ենթարկվեն:
