Tert.am-ը գրում է.
Այսօր Tert.am Youth-ի զրուցակիցը, «Ֆուլ հաուս» սիթքոմից, իսկ հիմա էլ «Թաքնված Սեր» հեռուստասերիալներից հայտնի` Դավիթ Աղաջանյանն է: Նա առաջին մասնագիտությամբ իրավաբան է, սակայն տևական ժամանակ ներկայացել է նաև որպես մոդել։ Ինչպե՞ս է մեկնաբանում կրքոտ համբույրով լուսանկարը, որքանո՞վ է իրավաբան-մոդելին հաջողվում էկրանին մնալ որպես դերասան, ի՞նչ ընդհանրություններ կարող է ունենալ Դավիթը համաշխարհային ճանաչում ունեցող դերասանների հետ, և այլ հետաքրքող հարցեր`զրույցում:
Ո՞րն է լինելու հաջորդ նախագիծը, որում հեռուստադիտողը կկարողանա Ձեզ նորից էկրանին տեսնել:
-Միայն կասեմ, որ այս պահին նկարահանվում եմ «Թաքնված սեր» հեռուստասերիալում:
Կերպարի և Ձեր դերասանական խաղի մասին ինչպիսի՞ արձագանքներ եք լսում:
-Արձագանքները հիմնականում դրական են: Կերպարը կունենա հետաքրքիր զարգացումներ և հետաքրքիր իրադարձություններ:
Հարցազրույցներից մեկում ասել էիք, որ Լեոնարդո Դի Կապրիոն, Ալ Պաչինոն, Ռոբերտ Դե Նիրոն, Ջեք Նիկոլսոնն այն դերասաններն են որոնց խաղով միշտ հիացած եք: Որոքանո՞վ եք փորձում նմանվել նրանց, եթե իհարկե փորձում եք:
-Այո՛, էլի եմ ասում: Նրանց շատ եմ սիրում: Որքան էլ ցանկանամ, որքան էլ փորձեմ` միևնույնն է անհնար է: Պարզապես պետք է շատ բան քաղել նման դերասաններից:
Մասնագիտությամբ դերասան չէք: Մասնագիտական կրթության պակասը դժվարություններ չի՞ առաջացնում:
-Իհարկե դժվարություններ լինում են: Ինձ շրջապատում են պրոֆեսիոնալ դերասաններ և ցանկացած խնդիր հեշտ լուծվում է:
Հնարավոր է՞, որ ոչ հեռու ապագայում Թատերական ինստիտուտի ուսանող դառնաք:
-Ուզում եմ համապատասխան կրթություն ստանալ: Կփորձեմ ընդունվել թատրոն, քանի որ թատրոնը ուրիշ աշխարհ եմ պատկերացնում:
Ենթադրենք հաջողվեց: Ձեզ թատրոնի բեմում պատկերացնում ե՞ք:
-Ցանկությունս մեծ է: Պատկերացնում եմ: Մեծ աշխատանքից հետո` ինչո՞ւ ոչ: Բայց պատկերացնելը քիչ է, քանի որ պետք է վերապրել դա:
Գեղեցիկ արտաքինով տղա եք և հաստատ երկրպագուհիները պարբերաբար որոշակի քայլեր անում են, որպեսզի գրավեն Ձեր սիրտը: Ամենատպավորիչը, ո՞րն է եղել:
-Ես բավարարվում եմ մարդկանց դրական խոսքերով, հաճոյախոսությամբ: Հաճելի է, որ կան նրանք: Ավելի պարտավորեցնող է, երբ ունես մարդիկ ում համար գնահատելի է քո գործը:
Դերասանի սիրտը բավականին ժամանակ է զբաղված: Դավիթը ընկերություն է անում երգչուհի Աննա Դովլաթյանի հետ: Նրանք բավականին ակտիվ են սոցցանցերում և հաճախ են միասին լուսանկարներ հրապարակում, սակայն Դավիթը կտրականապես դեմ է քննարկել անձնական կյանքը: Մեկնաբանություն չտվեց նաև` օրեր առաջ հրապարակված կրքոտ համբույրով լուսանկարի վերաբերյալ, որից բավականին մեծ աղմուկ էր առաջացել: