Tert.am-ը գրում է.
ԱՄՆ Հետաքննությունների դաշնային բյուրոն (ՀԴԲ) հաստատել է, որ Օռլանդոյում հրաձգություն իրականացրած Օմար Մատինը հայտնվել է իրավապահների ուշադրության կենտրոնում դեռևս 2013-ին, փոխանցում է РИА Новости-ն:
 
Հիշեցնենք, որ Ֆլորիդա նահանգի Օռլանդո քաղաքում գիշերային ակումբում հրաձգության հետևանքով մահացել է 50 մարդ, ևս 53-ը վիրավորվել են: Հանցագործն ԱՄՆ քաղաքացի Օմար Մատինն է, ով սպանվել է ոստիկանության կողմից գրոհի ընթացքում: Օռլանդոյում տեղի ունեցածը զոհերի թվով ամենախոշոր նման տեսակի միջադեպն է ԱՄՆ պատմության ընթացքում:

«ՀԴԲ-ին առաջին անգամ Մատինի մասին հայտնի է դարձել 2013-ին, երբ նա կտրուկ մեկնաբանություններ էր արել գործընկերների հասցեին` ակնարկելով ահաբեկիչների հետ ունեցած կապերի մասին»,- հայտարարել է ՀԴԲ գործակալ Ռոնալդ Հոփերը:
Նա նշել է, որ այն ժամանակ ՀԴԲ-ն ստուգել է ականատեսների ցուցմունքները, կասկածյալի ձայնագրությունները, ինչպես նաև տղամարդուն վերցրել հսկողության տակ և 2 անգամ հարցաքննել: Այն ժամանակ չի հաջողվել հաստատել նրա կապն ահաբեկիչների հետ, և հետաքննությունը դադարեցվել է: Երկրորդ անգամ նրան ստուգել են ամերիկացի մահապարտ ահաբեկիչ Աբու Սալահի հետ ունեցած կապի առնչությամբ: Այդ ժամանակ էլ ՀԴԲ գործակալները եզրակացրել են, որ նա ոչ մի սպառնալիք չի ներկայացնում:
 
Անվտանգության՝ աշխարհում խոշորագույն մասնավոր ընկերություններից մեկը`G4S-ը, որտեղ աշխատել է Մատինը, հայտարարել է հետաքննությանն ամեն կերպ աջակցելու պատրաստակամության մասին:

«Մենք ապշած և հուզված ենք ողբերգական դեպքի պատճառով, որը տեղի է ունեցել Օռլանդոյի գիշերային ակումբում: Մենք հաստատում ենք, որ Օմար Մատինն աշխատել է G4S-ում 2007թ. սեպտեմբերի 10-ից: Մենք ամբողջությամբ համագործակցում ենք բոլոր իրավապահ մարմինների հետ, որոնք անցկացնում են հետաքննությունը»,- ասվում է ընկերության հաղորդագրությունում:
Հանցագործի նախկին կինը հայտարարել է, որ վերջինս ցանկացել է ոստիկան լինել, և իրենց համատեղ կյանքի ընթացքում հրազեն ձեռք բերելու իրավունք է ունեցել: Կինը նշել է, որ նախկին ամուսինը հոգեկան անհավասարակշռություն է ունեցել: Նրանք միասին են ապրել ընդամենը 4 ամիս:

Օմար Մատինի հայրը`Սադիք Մատինը, որպես հաղորդավար է աշխատում ԱՄՆ-ում աֆղանական արբանյակային հեռուստաալիքում, հայտնում է NBC News-ը: Նա Աֆղանստանից է, վարում է քաղաքական հաղորդում, որում աջակցություն է հայտնվում հակապակիստանյան ուղղությանը: Սադիքը նշել է, որ ընտանիքը չի իմացել Օմարի պլանների մասին: Նա կարծում է, որ որդու գործողությունները ոչ մի ընդհանուր բան չունեն կրոնի հետ: Սակայն նա հայտնել է, որ որդին բազմիցս կտրուկ է արձագանքել միասեռ կապերի հրապարակային դրսևորումներին:
Hundreds gathered on the south steps of the Texas State Capitol in Austin, Texas, to hold a vigil for the people killed in the attack
People gathered for a vigil to honor the victims of the mass shooting at Eola Lake Park in Orlando, Florida, on Sunday evening
Lit candles are seen during a vigil to honor more than 50 people who were killed in the mass shooting at Eola Lake Park in Orlando
People light candles on the ground at the site of a vigil for the victims of the Orlando shooting, in Atlanta, Georgia, on Sunday
A lantern was launched members of the community gathered for a vigil at Eola Lake Park in Orlando on Sunday evening
More than 50 people were killed and a further 53 taken to hospital, most in critical condition, after a gunman opened fire in Pulse nightclub in the early hours of Sunday morning. Above, people gathered at Eola Lake Park to mourn the victims on Sunday evening
Members and supporters of the LGTBQ community attend a candlelight vigil outside the White House in Washington to honor the victims
Angel Mendez holds up a cell phone photo of his brother Jean C. Mendez, who he is looking for information about outside the hospital
Friends and family gathered outside Orlando Regional Medical Center to see if their loved ones were safe after the shooting
Members of the FBI, Orlando Police Department and the Orange County Sheriffs Office investigate the attack at the Pulse nightclub in Orlando on Sunday
A soldier stands guard outside the Pulse nightclub, where a gunman opened fire in the early hours of Sunday morning
Witnesses said he fired relentlessly - 20 rounds, 40, then 50 and more. Pictured above, the damaged rear wall of the nightclub is seen
A woman sits on the ground outside the nightclub while another partygoer, whose legs are covered in blood, stands beside her

Orlando Police officers direct family members away from a multiple shooting at the nightclub in Orlando, Florida, early on Sunday
Demetrice Naulings sobs outside the Orlando Police Headquarters where police are interviewing witnesses to the deadly attack
Shooter Omar Mateen
Omar Mateen in his freshman year high school yearbook photo in 2001

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել