Tert.am-ը գրում է.
Սիրիայում առնվազն 42 քաղաքացի, այդ թվում` 5 երեխա է զոհվել  ռեժիմի, ռուսական և ԱՄՆ-ի ղեկավարած կոալիցիայի` չորեքշաբթի հասցրած ավիահարվածների հետևանքով երկրի հյուսիսային շրջաններում:  
 
Ինչպես տեղեկացնում է Agence France Presse-ը, վկայակոչելով Մարդու իրավունքների սիրիական դիտորդական կենտրոնի տվյալները, կառավարության ռեժիմի հասցրած ավիահարվածների հետևանքով 15 քաղաքացիական անձ է զոհվել Հալեպ նահանգում:

ԱՄՆ-ի ղեկավարած միջազգային կոալիցիայի ավիահարվածների հետևանքով 6 քաղաքացի է զոհվել Հալեպի Մանբիժ քաղաքում և 10 մարդ Ռաքքայում: Երկու քաղաքներում էլ վերահսկողություն են հաստատել «Իսլամական պետություն» ահաբեկչական խմբավորման զինյալները:
 
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել