ՌԴ-ն պատրաստ է քննարկել հարաբերությունների կարգավորման վերաբերյալ Անկարայի դիմումը. Լավրով

Tert.am-ը գրում է.

Ռուսաստանը մտադիր չէ Թուրքիայի հետ հարաբերությունների կարգավորման նախաձեռնությամբ հանդես գալ, սակայն պատրաստ է քննարկել Անկարայի համապատասխան դիմումը։ Ինչպես հայտնում է «ՌԻԱ Նովոստի» գործակալությունը, այդ մասին հայտարարել է ՌԴ արտգործնախարար Սերգեյ Լավրովը։

 

«Նրանք շատ են տուժել, և այդ պատճառով էլ տարբեր ալիքներով փորձում են մեզ ինչ-որ հանձնաժողովների ստեղծում առաջարկել։ Դեռևս դեկտեմբերին ԵԱՀԿ-ում ինձ հետ հանդիպման ընթացքում Թուրքիայի արտգործնախարարն առաջարկեց. «եկ ստեղծենք հանձնաժողով կամ խումբ՝ դիվանագետների, հետախույզների»»,-ասել է Լավրովը։

 

«Մենք երբեք չենք ասել, որ Թուրքիային «ձիթենու ճյուղ» կամ որևէ այլ ճյուղ կպարզենք։ Մենք ասել ենք, որ Թուրքիան պետք է ներողություն խնդրի ու փոխհատուցի այն վնասները, որը հասցվել է ռազմական հանցագործության հետևանքով։ Եվ (ՌԴ նախագահ- Խմբ.) Պուտինն էլ ասաց, որ մենք պատրաստ ենք քննարկել Անկարայի դիմումը, սակայն նախ Թուրքիան պետք է անի այն, ինչ պարտավոր է անել»,-ասել է Լավրովը։

 

Ռուսաստանի ու Թուրքիայի հարաբերությունները ճգնաժամ են ապրում 2015 թվականի նոյեմբերի 24-ից, երբ թուրքական կործանիչը թուրք-սիրիական սահմանի մոտ խոցեց ռուսական Սու-24 ռմբակոծիչը։

Պուտինը դա «թիկունքից հարված» որակեց՝ հաջակցություն ահաբեկիչների, ու Թուրքիայի նկատմամբ մի շարք տնտեսական սահմանափակումներ կիրառեց։

Թուրքիայի նոր վարչապետ Բինալի Յըլդըրըմն ասել է, որ Անկարան ձգտելու է Ռուսաստանի հետ հարաբերությունների կարգավորման՝ բանակցային ճանապարհով