Tert.am-ը գրում է․
Ոչ մի աշխատանքային խումբ չի կարող լուծել ՌԴ-ի և Թուրքիայի միջև հարաբերություններում առկա խնդիրը։ Դա կարող է անել միայն թուրքական իշխանությունը, որից Մոսկվայում ներողություն են ակնկալում և ռուսական կործանված ռմբակոծիչի դիմաց վնասի փոխհատուցում: Այդ մասին լրագրողներին հայտարարել է ՌԴ նախագահի մամուլի խոսնակ Դմիտրի Պեսկովը՝ մեկնաբանելովԹուրքիայի արտգործնախարարի առաջարկը՝ Ռուսաստանի հետ համատեղ աշխատանքային խումբ ստեղծել երկու երկրների միջև հարաբերությունների կարգավորման ուղիներ գտնելու համար:
 
«Ոչ մի աշխատանքային խումբ չի կարող լուծել այդ խնդիրը, ի վիճակի չէ: Դա կարող է անել միայն թուրքական իշխանությունը, որից Մոսկվայում ակնկալում են այն քայլերը, որոնց մասին ՌԴ նախագահ Պուտինն ասել էր Աթենքում»,- ասել է Կրեմլի ներկայացուցիչը:
 
Ավելի վաղ Վլադիմիր Պուտինը հայտարարել էր, որ Մոսկվայում Անկարայից կոնկրետ քայլեր են ակնկալում, և փաստել էր, որ դեռ «մենք չենք լսել ներողություն և չենք լսել վնասը փոխհատուցելու պատրաստակամության մասին»:
 
Ռուսաստանի և Թուրքիայի միջև հարաբերությունները սրվել են 2015 թվականի աշնանից, երբ թուրքական օդուժը խոցեց ռուսական Սու-24 ինքնաթիռը։ Ռուսաստանը Թուրքիայի նկատմամբ մի շարք պատժամիջոցներ է սահմանել՝ այդ թվում արգելելով մի շարք ապրանքների ներմուծումն նու ռուս զբոսաշրջիկների մեկնումը Թուրքիա։
 
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել