Panorama.am-ը գրում է.
Կառավարության նիստից առաջ ՀՀ վարչապետ Հովիկ Աբրահամյանի հայտարարությունը բխում է ընթացիկ տարվա փետրվարի 12-ին ՀՀ Նախագահ Սերժ Սարգսյանի ծրագրային ելույթից: Այս մասին այսօր ՀՀԿ ԳՄ նիստից հետո լրագրողների հետ զրույցում ասաց ՀՀԿ խոսնակ, ԱԺ փոխնախագահ Էդուարդ Շարմազանովը՝ անդրադառնալով մայիսի 12-ին կառավարության նիստի մեկնարկին ՀՀ վարչապետ Հովիկ Աբրահամյանի հայտարարությանը:
«Վարչապետի հայտարարությունը պետք է դիտարկել հենց Նախագահի վերը նշված ելույթի համատեքստում: Նախագահ Սարգսյանը փետրվարի 12-ին հստակ նշեց այն առաջնահերթությունները, որով պետք է առաջնորդվի պետական համակարգը, պետական պաշտոնյանները»,- ընդգծեց Էդուարդ Շարմազանովը:
Նրա խոսքերով՝ Հայաստանի իշխանությունները պետք է պայքարեն կոռուպցիայի և բոլոր այն արատների դեմ, որոնք կխոչընդոտեն Հայաստանի զարգացմանը՝ թե ժողովրդավարության, թե մարդու իրավունքների պաշտպանության առումով: «Այս իմաստով վարչապետի հայտարարությունը հենց Նախագահի հայտարարության համատեքստում է»,- նշեց նա:
Անդրադառնալով լրագրողի այն դիտարկմանը, թե այդ հայտարարություններից հետո արդյունքներ չեն երևում՝ Էդուարդ Շարմազանովն ասաց, թե միշտ չէ, որ այդ արդյունքները միանգամից երևում են:
Ամբողջական հոդվածը կարող եք կարդալ այստեղ
