Araratnews.am-ը գրում է.
Գերմանացի ընտրողները հոգնել են Անգելա Մերկելից 11 տարվա ընթացքում և չեն ցանկանում, որ 2017 թ.-ին նա կրկին գլխավորի կառավարությունը, հայտնում է Deutsche Welle-ն՝ հղում անելով INSA ընկերության անցկացրած հարցման արդյունքներին:
Հարցված գերմանացիների մոտ երկու երրորդը կամ 64%-ը, դեմ է, որ դաշնային կանցլերը և նրա «Քրիստոնեա-դեմոկրատական միություն» կուսակցությունը կառավարությունը գլխավորեն հաջորդ տարի կայանալիք ընտրությունների արդյունքներով:
Bild-ի համար INSA-ի անցկացրած հարցման արդյունքներով՝ Գերմանիայի իշխող կոալիցիան դեռ երբեք այսքան ցածր ժողովրդականություն չի ունեցել: Եթե դաշնային ընտրությունները անցկացվեին այսօր, ապա իշխող «Քրիստոնեա-դեմոկրատական միության» և «Քրիստոնեա-սոցիալական միության» կոալիցիայի օգտին կքվեարկեր հարցվածների սոսկ 30,5 տոկոսը:
