Yerkir.am-ը գրում է.
Անկարայի գլխավոր հանրապետական դատախազությունը հետաքննություն է սկսել Թուրքիայի գլխավոր ընդդիմադիր ուժ հանդիսացող Ժողովրդա-հանրապետական կուսակցության (ԺՀԿ-CHP) նախագահ Քեմալ Քըլըջդարօղլուի դեմ: Պատճառը նախագահական համակարգի մասին նրա արած հայտարարությունն է. տեղեկացնում է Ermenihaber-ը:
Ըստ Sondakika լրատվական կայքի` Թուրքիայի պալատների և բորսաների միության (TOBB) գլխավոր խորհրդի նիստի ժամանակ թուրք կուսակցապետն ասել էր, որ առանց արյուն թափելու Թուրքիան չի կարող անցնել նախագահական համակարգին:
«Մի մարդ կխոսի, ու Թուրքիան կլռի: Մի մարդ կխոսի, և դրան համապատասխան դատավճիռը կլինի: Մի մարդ կխոսի, և ըստ դրա` կկազմվեն պատգամավորների ցուցակները: Մի մարդ կխոսի, և նրա ուզած մարդն իսկույն բանտում կհայտնվի: Այս երկրում այդպիսի նախագահական համակարգի անցումը դուք չեք կարողանա իրականացնել առանց արյուն թափելու»,- ասել էր նա:
