Tert.am-ը գրում է.
Գերմանիայի ԱԳՆ ներկայացուցիչը հայտարարել է, որ «նորմանդական քառյակի» երկրների արտաքին քաղաքականության գերատեսչությունների ղեկավարները Բեռլինում կայացած հանդիպման ավարտին համատեղ հայտարարությամբ հանդես չեն գա:
 
«Ընդհանուր հայտարարություն չի նախատեսվում»,- Գերմանիայի ԱԳՆ ներկայացուցչի խոսքը մեջբերում է Lenta.ru-ն:

Առանձին հայտարարություններով հանդիպման ավարտին հանդես կգան Ռուսաստանի և Գերմանիայի ԱԳ նախարարներ Սերգեյ Լավրովն ու Ֆրանկ-Վալտեր Շտայնմայերը, ինչպես նաև՝ Ուկրաինայի արտգործնախարար Պավել Կլիմկինը:

Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտնել էր, որ Լավրովն ու Շտայնմայերը Բեռլինում սկսել են բանակցությունները:

Նշենք, որ «նորմանդական քառյակի» հերթական հանդիպումը Փարիզում, որը տեղի էր ունեցել մարտին, անարդյունք է ավարտվել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել