168.am-ը գրում է.

Ղազախստանի նախագահ Նուրսուլթան Նազարբաեւը ՌԴ Դաշնության Խորհրդի նախագահ Վալենտինա Մատվիենկոյի հետ կայացած հանդիպմանը հայտարարել է աշնանը Եվրասիական տնտեսական միության եւ Եվրամիության համատեղ համաժողով անցկացնելու մասին: Այս մասին տեղեկացնում է ՌԻԱ Նովոստին՝ հղում անելով Ղազախստանի ղեկավարի մամուլի ծառայությանը:

Ինչպես ասված է մամուլի տեղեկագրում, Նազարբաեւը, կարեւորելով ԵԱՏՄ-ի զարգացումը, տեղեկացրել է «աշնանը Եվրասիական տնտեսական միություն-Եվրամիություն համատեղ համաժողով անցկացնելու շուրջ Եվրոպական հանձնաժողովի նախագահ Ժան Կլոդ Յունկերի հետ ձեռք բերված պայմանավորվածության մասին»:

Նազարբաեւը նաեւ նշել է «Ղազախստանի եւ Ռուսաստանի միջեւ համագործակցության բազմակողմանի բնույթը»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել