Tert.am-ը գրում է.
Վրաստան է ժամանել ամերիկյան զինվորական տեխնիկան` մասնակցելու մայիսի 11-26-ն անցկացվելիք  Noble Partner 2016 ամերիկա-վրաց-բրիտանական եռակողմ զորավարժանքներին: Այս մասին հայտնում է Корреспондент-ը` վկայակոչելով վրաց  պաշտպանության նախարարության մամլո ծառայությունը:
 
Հաղորդվում է, որ Abrams տանկերն ու Bradley զորամեքենաներն  ուղղվում են «Վազիանի» ռազմակայան:

Վրացական գերատեսչության հաղորդագրության մեջ ասվում է, որ ուսումնավարժանքները կանցկացվեն արդեն երկրորդ անգամ: Ռազմական տեխնիկան Վրաստան է բերվել նավի վրա`   Վառնայի սևծովյան նավահանգստով:

Ուսումնական զորավարժանքներին 1300 զինծառայող կմասնակցի, այս թվում` ԱՄՆ եվրոպական հրամանատարության 650, 500 վրաց և 150 բրիտանացի զինծառայող:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել