Գաղտնիք չէ, որ արտաքին տնտեսական շուկայում դեռ պահպանվում են ոչ բարենապաստ պայմանները, սակայն այդ ամենի հետ մեկտեղ հատկանշական է, որ առաջին եռամսյակի տվյալների համաձայն՝ տնտեսական ակտիվությունը Հայաստանում կազմել է 5,5 տոկոս, իսկ արտահանումն ավելացել՝ 26 տոկոսով։
Արտաքին շուկաների ոչ բարենպաստ ազդակները արտահայտվում էին ինչպես հումքային ապրանքների շուկայում ձևավորված ցածր գնային միջավայրով, այնպես էլ Ռուսաստանի տնտեսության մեջ տեղի ունեցող գործընթացներով։ Դրա հետ մեկտեղ Հայաստանի տնտեսության համար խնդիրները ոչ միայն պահպանվեցին, այլև խորացան հանքահումքային ապրանքների համաշխարհային շուկաներում։ Մասնավորապես պղնձի գինն այս տարվա սկզբին լողում էր հիմնականում տոննայի հաշվով 4,5 հազար դոլարի շրջակայքում։ Այն դեպքում, երբ նախորդ տարվա նույն ժամանակահատվածում գերազանցում էր 6,1 հազարը։
Չնայած վերը նշված անհարմարություններին՝ տարեսկզբին Հայաստանի տնտեսությունը կարողացավ ակտիվության շատ ավելի բարձր մակարդակ ապահովել, քան սպասվում էր։ Հարկ է նշել նաև, որ հիշյալ ժամանակահատվածում Հայաստանից 28 մլն դոլարով ավել ապրանք է արտահանվել 2014թ-ի համեմատ, երբ արտաքին ու ներքին միջավայր շատ ավելի բարվոք վիճակում էր։
