Պարզվել է, սակայն, որ իսկական անցումն սկսվել է ապրիլի 2-5-ին, եւ հիմա այն փորձում են անցնել թե ձիերը, թե մարդիկ: Եվ հանկարծ պարզվում է, որ ձիերը պատրաստ չեն այդպիսի անցման: Եթե նրանց անգամ չփոխվեն, երեւում է նրանք իրենք կխեղդվեն:
Հայաստանի հանրությունը կամավոր հրաժարականներ է սպասում, առաջին հերթին նրանց, ովքեր զգում են, որ խորտակվում են, նրանց, ում խելք ու խիղճ պետք չէ քաղաքականություն վարելու համար: Հիմա միայն դա կարող է փրկել նրանց: Շատերը դեռ չեն հասկանում, որ անցումը երկար է լինելու, եւ այն կավարտվի ոչ այնտեղ, որտեղ սկսվել է՝ ոչ եվրասիական տարածությունում, որտեղ «ձիերին անցման ժամանակ չեն փոխում»: Այն կավարտվի այլ տարածությունում, որտեղ «գետանցի ժամանակ ստուգում են ձիերի տոկունությունը»:
Հայկական քաղաքական դասը թե Հայաստանում, թե Ղարաբաղում ռոտացիայի շտապ կարիք ունի: Այն քննությունը երեքի է հանձնել: Իսկ միջակներին չի կարելի վերածնվող պետություն վստահել:
