Tert.am–ը գրում է.
Ուկրաինայի նախագահ Պյոտր Պորոշենկոն ուժի մեջ է մտցրել Ռուսաստանում 3 ուկրաինացիների նկատմամբ քրեական հետապնդումների մեջ ներգրավված անձանց դեմ պատժամիջոցները:
Корреспондент-ի փոխանցմամբ` հրամանագիրը հրապարակվել է երկրի ղեկավարի կայքում:
Պատժամիջոցների ցուցակում 84 մարդ է հայտնվել, այդ թվում` ՌԴ Քննչական կոմիտեի նախագահ Ալեքսանդր Բաստրիկինը, Անվտանգության դաշնային ծառայության տնօրեն Ալեքսանդր Բորտնիկովը, Ղրիմի դատախազ Նատալյա Պոկլոնսկայան, ՌԴ գլխավոր դատախազի տեղակալ Վիկտոր Գրինը:
Ուկրաինական պատժամիջոցների ցուցակում են հայտնվել այն անձինք, որոնք առնչվում են ուկրիանուհի օդաչու Նադեժդա Սավչենկոյի, ռեժիսոր Օլեգ Սենցովի և քաղբանտարկյալ Ալեքսանդր Կոլչենկոյի քրեական հետապնդմանը:
Ցուցակը հաստատվել է մարտի 25-ին: Պորոշենկոն ավելի վաղ նշել էր, որ այն համաձայնեցրել է ԱՄՆ-ի և ԵՄ-ի հետ:
