Պենտագոնը և ԱՄՆ պետքարտուղարությունը Թուրքիայում գտնվող ամերիկյան զորքերի ընտանիքներին և քաղաքացիական անձնակազմին , որոնք տեղակայված են Իզմիր, Ադանա և Մուղլա նահանգներում , հրահանգել են հեռանալ տարածաշրջանից: Հրամանը վերաբերվում է նաև Ադանայում տեղակայված Ինջիրլիկի ռազմաբազային:
«Այս որոշումը թույլ է տալիս ամերիկյան զորքերի ընտանիքների և քաղաքացիական անձնակազմի անվտանգ և շուտափույթ տարահանումը հարավ-արևելյան նահանգներից: Մենք բաազմիցս ենք հայտնել մեր մտահոգությունը մեր քաղաքացիների անվտանգության մասին: Դեռևս 2015թ. սեպտեմբերից կոչ էինք արել լքել այդ տարածաշրջանը, իսկ հիմա մենք պարտադրում ենք մեր քաղաքացիներին», - նշված է Պենտագոնի հայտարարության մեջ:
«Մենք հասկանում ենք, որ այս պահին անհարմարություններ ենք պատճառում մեր ռազմական ընտանիքներին, բայց մենք պետք է նրանց պահենք անվտանգ վայրում, որպեսզի ահաբեկչության դեմ պայքարում բարձրացնենք մարտական արդյունավետությունը մեր դաշնակից Թուրքիայի համար», - ասել է ԱՄՆ Եվրոպական հրամանատարության ղեկավար գեներալ Փիլիպպոս Բրեեդլովեն:
Կտարահանվի 670 ամերիկյան ընտանիք, Ադանայում ԱՄՆ հյուպատոսությունը կաշխատի արտակարգ ռեժիմով:
ԱՄՆ Պետքարտուղարությունը սահմանափակել է նաև պաշտոնական այցերը Թուրքիա, ինչպես նաև տուրիստական գործակալություններին ծանուցվել և նախազգուշացվել է վտանգավորության մասին: ԱՄՆ-ն կոչ է արել իր քաղաքացիներին չայցելել Թուրքիա, ԱՄՆ-ի օրիանակին է հետևել նաև Իսրայելը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել