Թբիլիսին առավելագույնս ձգտում է Ռուսաստանի հետ հարաբերություններում խնդիրների լուծմանը, սակայն կպնդի իր ազգային շահերը: Այդ մասին հայտարարել է Վրաստանի նախագահի արտաքին կապերի գծով խորհրդական Թենգիզ Փխալաձեն, գրում է RIA Novosti-ն:
ՌԴ ԱԳՆ փոխնախարար Գրիգորի Կարասինը չորեքշաբթի օրը Պրահայում Վրաստանի վարչապետի հատուկ հանձնակատար Զուրաբ Աբաշիձեի հետ հերթական հանդիպման ժամանակ հայտարարել է, որ Վրաստանի իշխանությունների կողմից հակառուսական հռետորաբանության աճ է նկատվում:
«Վրաստանը հենց ձգտում է քաղաքակիրթ հարաբերությունների և առավելագույն ուժեր գործադրում ցանկացած սուր հարց բանակցություններով լուծելու համար»,- ասել է Փխալաձեն:
Սակայն նա նշել է, որ Թբիլիսիի ռացիոնալ և կառուցողական մոտեցումը ոչ մի կերպ չի նշանակում, որ Վրաստանը կհրաժարվի իր ազգային շահերից:
