Օսկանյանի շուրջ շարունակվող աժիոտաժը քանի շարունակվում ա, էնքան ավելի հստակ ա դառնում, որ քննարկվող օրակարգը կեղծ ա, իսկ շրջանառվող հիմնական թեման՝ արհեստածին: Խոսքը վերաբերում ա մարտի 1-ին, որի թեման բացեց ինքը՝ Օսկանյանը՝ այդպիսով քննադատական ալիքը գիտակցաբար տանելով սխալ ուղղությամբ: Անձամբ ես Վարդան Օսկանյանին մարտի 1-ի համար մեղավոր չեմ համարում էն պարզ պատճառով, որ ԱԳ նախկին նախարարը մարտիմեկյան իրադարձությունների հետ ուղղակի կապ չի ունեցել: Այլ հարց ա, որ նույն Օսկանյանը մարտի 1-ի համար պատասխանատու ա ճիշտ էնքան, որքան ցանկացած բարձրաստիճան պաշտոնյա ու Քոչարյանի քաղաքական թիմի անդամ:
1. Օսկանյանի մեղքերն ուրիշ տեղ են ու չգիտես ինչու՞ դրանց մաիսն չի խոսվում: Օսկանյանն անմիջականորեն պատասխանատու ու մեղավոր ա 1998 թվականին ԼՂՀ-ին բանակցային գործընթացից դուրս թողնելու անխոհեմ ու կարճամիտ որոշմանը մասնակից լինելու համար:
2. Օսկանյան բարոյական ոչ մի իրավունք չունի խոսել Ղարաբաղյան հակամարտության արդար կարգավորման մասին էն պարզ պատճառով, որ ԼՂՀ ազատագրված տարածքներին վերաբերվել ու վերաբերվում ա որպես «օկուպացված»-ի, մշտապես դեմ ա եղել ազատագրված տարածքները վերաբնակեցնելուն (հիշենք 2005 թվականի դիտորդական առաքելության զեկույցն ու դրան Օսկանյանի գոհունակ արձագանքը, թե տեսա՞ք, որ ոչ մի վերաբնակեցման մասին խոսք անգամ չկա): Բացի դրանից, չմոռանանք, որ Օսկանյանի մասնակցությամբ կազմվել էր մի փաստաթուղթ, որը Քի Ուեսթում դրվել էր Քոչարյան-Հ. Ալիև բանակցային սեղանին, և որով նախատեսվում էր Ղարաբաղյան հակամարտությունը կարգավորել Արցախն Ադրբեջանի հետ ընդհանուր պետության մեջ ընդգրկելու (իսկ փաստացի Արցախն Ադրբեջանի կազմ վերադարձնելու) սկզբունքով: Ավանտյուրան չհաջողվեց բացառապես այն պատճառով, որ պաշտոնական Բաքուն վերջին պահին առաջ քաշեց նոր պայմաններ, ինչի արդյունքում բանակցությունները տապալվեցին:
3. Օսկանյանը անմիջականորեն պատասխանատու ա Իրան-Հայաստան գազամուղը նախ փոքր տրամագծով կառուցման՝ ռուսական կողմի պահանջին ընդդիմանալու անկարողության, ինչպես նաև հետագայում այդ գազամուղը Ռուսաստանի ամբողջական տնօրինմանը հանձնելու համար:
Ու էսպիսի օրինակները չափազանց շատ են և ցանկության դեպքում կարելի ա ժամերով շարունակել: Էնպես որ, քոչարյանամերձ լրատվամիջոցները, որոնք արդեն երեկվանից սկսել են Օսկանյանին քննադատողներին «ջրի երես» հանել, թող էս ամենն ուշադիր կարդան և վայրահաչ բարձրացնելու փոխարեն շարունակեն անաղմուկ ծառայել իրենց միակ ու անփոխարինելի տիրոջը՝ չմոռանալով, որ իրենք միշտ ջրի երեսին են էն պարզ պատճառով, որ բաներ կան, որոնք չեն սուզվում ՃՃՃ
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել