Բրիտանացի ծագումնաբանները հայտնաբերել են, թե գեների միջոցով ինչպես կարելի է ստիպել, որպեսզի եղևնու փշերը լույս արձակեն: 

Ինչպես հաղորդում է MIGNews-ը, այդ նպատակով գիտնականները մտադիր են անտառային գեղեցկուհիներին ներարկել մեդուզաների և լուսատտիկների գեներ:

Փորձարկման ընթացքում նախատեսվում է մշտադալար ծառը վարակել անվնաս բակտերիայով, որը պարունակում է անհրաժեշտ գեներ և կփոխանցի դրանք ծառի ԴՆԹ-ին: Այնուհետև քիմիական նյութերը «կստիպեն» լույսեր արձակել եղևնուն: Այն լույսեր է արձակելու ինչպես ցերեկը, այնպես էլ գիշերը:

Նման եղևնին կարժենա 320 դոլար: Սակայն գիտնականները հավատացած են, որ այդպիսի հետաքրքիր ապրանքը մեծ պահանջարկ կունենա: Ապագայում նրանք կաշխատեն, որպեսզի ամանորյա ծառը տարբեր գույների լուսավորում ունենա:

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել