Մշտապես խոսվում է ներքին արտադրանքի խթանմանն ու դրա զարգացմանն ուղղված քայլերի ձեռնարկման մասին: Այս խնդրի լուծմանն է ուղղված ՀՀ կառավարության այն որոշումը, ըստ որի՝ երեք տարի ժամկետով կհետաձգվի «Ինտերալկո» ընկերության կողմից 200 միլիոն դրամը գերազանցող ապրանքների ներմուծման ավելացված արժեքի հարկի գումարների վճարման ժամկետը:
Հարկ է նշել, որ «Ինտերալկո»-­ն նախատեսում է Արմավիրի մարզում «Արմեն­ալկո» ՍՊԸ­-ին պատկանող գործարանում իրականացնել խաղողի թորվածքի, բրենդիի, մրգային սպիրտների և գինու արտադրություն: Վերջինս պլանավորում է տեղական ֆերմերային տնտեսություններից գնած հումքից արտադրել խաղողի գինու, մրգերի թորվածքներ, որին ավելացնելով Եվրոպայից ներկրված հումք` մեծածախ քանակով արտահանել ԱՊՀ և այլ երկրներ:

Հատկանշական է, որ ընկերության նախատեսած տարեկան շուրջ 670 մլն դրամի արտադրանքի գերակշիռ մասը պետք է արտահանվի ԱՊՀ, Չինաստան, Թայվան և այլ երկրներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել