ԱՄՆ-ը համացանցում կամավորների է փնտրում Մարսի յուրացման համար

ԱՄՆ-ում սկսվել է տիեզերագնացների ջոկատի հավաք, որոնք պետք է թռչեն ամերիկյան նոր տիեզերանավերով, նրանցից մեկը պետք է մեկնի Մարս առաջին ուղևորության: Դրա համար NASA-ն երկուշաբթի գրանցում է բացել հատուկ կայքում, ուր իրենց հայտերը կարող են ուղարկել «աստղային տոմսի» հավակնորդները, հայտնում է ultramir.net-ը:

«Ամերիկացի տիեզերական հետազոտողների այդ խումբը, որին կարելի է համարել Մարս թռիչքի սերունդ, պետք է նոր բարձունքների հասնի և իր հետքերը թողնի Կարմիր մոլորակի վրա,- հայտարարել է NASA-ի տնօրեն Չարլզ Բոլդենը:- Նրանք, ովքեր անցնեն ընտրությունը, կթռչեն ԱՄՆ տարածքից արձակվող ամերիկյան նավերով, կարևորագույն գիտական փորձեր կկատարեն ՄՏԿ-ում և կընդլայնեն մեր տեխնոլոգիական հնարավորությունները հեռավոր տիեզերքում»: