Tert.am-ը գրում է.
Մոսկվայում դարձյալ հետաձգվել է գործարար Լևոն Հայրապետյանի գործի քննությունը, որը մեղադրվում է նախկին սենատոր Իգոր Իզմեստևի մորից 700.000 դոլար հափշտակելու համար։ Այդ մասին РИА Новости գործակալությանը հայտնել են դատարանից:
 
Դատարանը նման որոշում է կայացրել, քանի որ մեղադրյալը դեռ հիվանդանոցում է: Գործի քննությունը սկսելու հերթական փորձը դատարանը կանի դեկտեմբերի 15-ին:
 
Բաշկիրիայից նախկին սենատոր Իգոր Իզմեստևը ցմահ ազատազրկման է դատապարտված ահաբեկչության և այլ մեղադրանքներով:
 
Քննության տվյալներով՝ գործարարը կնոջը մոլորության մեջ է գցել՝ խոստանալով մեծ գումարի դիմաց հասնել որդու պատժի մեղմմանը։ Սակայն գործի վրա ազդելու հնարավորություն Հայրապետյանը չի ունեցել:
 
Ակնկալվում է, որ առաջին նիստին դատախազը կներկայացնի մեղադրական եզրակացությունը, ինչից հետո մեղադրյալը կպատասխանի՝ իրեն մեղավոր ճանաչում է, թե ոչ: Ապա դատարանը կանցնի փաստերն ապացուցելուն ու վկաների հարցաքննությանը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել