Իրաքյան բանակը հաջողությամբ գրոհել է Ռամադի քաղաքը (տեսանյութ)

Tert.am–ը գրում է.

Իրաքյան բանակի զինծառայողները հաղորդել են Ռամադի քաղաքի հաջող գրոհի մասին: Ինչպես տեղեկացնում է Lenta.ru-ն` վկայակոչելով տեղի զինված ուժերի ներկայացուցիչներին, ուժայիններին հաջողվել է գրավել Թամիմ շրջանը:

Նոյեմբերի 30-ին հաղորդագրություն էր ստացվել, որ բանակը գրոհի է պատրաստվում: Նշվում էր, որ զորքերը մտադիր են քաղաքը գրոհել հարավից, արևմուտքից և հյուսիսից` անկախ ներսում քաղաքացիների առկայության:  

Ամերիկացի զինվորականների տվյալներով` գրոհի սկզբում Ռամադիում 600-1000 ահաբեկիչ է գտնվելիս եղել, որոնք ականապատել էին մի շարք շենքեր և ճանապարհներ:

Ռամադի քաղաքը ԻՊ-ի գրոհայինները գրավել էին 2015-ի մայիսին: Վերջերս իսլամիստները կորցրել են ևս մեկ իրաքյան  քաղաքում` Սինջարում  հաստատած վերահսկողությունը: