««ՉԻ» տեղեկություններով՝ Թալին քաղաքի ավագանու նիստի որոշմամբ նոյեմբերի սկզբին աշխատանքից ազատվել է 2-րդ մանկապարտեզի տնօրեն Աստղիկ Հովհաննիսյանը՝ մանկապարտեզի սաների համար նախատեսած սննդամթերքի (կարագ, կաթնամթերք, շաքարավազ և այլն) յուրացման և ««մեռած հոգիներ»» պահելու համար։ Նիստում ոմանք խոսել են նաև նրա նկատմամբ քրեական գործ հարուցելու մասին։ Սակայն տիկինը շարունակում Է աշխատել, քանզի քաղաքապետ Սարգիս Արամյանի ազատման հրաման չի տալիս՝ չնայած սեփական նախաձեռնությամբ էր տիկնոջ հարցը մտցրել ավագանու նիստ։
 
Ի՞նչն է պատճաոը, որ քաղաքապետն իր սկսած գործն ավարտին չի հասցնում։ «ՉԻ» աղբյուրների փոխանցմամբ՝ քաղաքապետը տեղ է ազատել իր բարեկամուհու համար։
ՀԳ. Պարզվում է «2» թիվն անհաջողության նշան է Թալինի համար։ «ՉԻ» տեղեկություններով՝ այստեղ խոսում են, որ դպրոցի տնօրենի մրցույթն այդպես էլ չի հայտարարվում, որպեսզի ներկայիս պաշտոնակատար Անահիտ Հարությունյանն ամրողջացնի իր թղթերը»,–գրում է թերթը։
 
Մանրամասները՝ թերթի այսօրվա համարում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել