Tert.am-ը գրում է.
Դեկտեմբերի 3-ին Պաշտպանության նախարար Սեյրան Օհանյանը ներկա է եղել ՀՀ ՊՆ զինծառայողների սոցիալական պաշտպանության վարչության մասնաշենքի բացմանը. տեղեկացնում է ՀՀ պաշտպանության նախարարության տեղեկատվության և հասարակայնության հետ կապերի վարչությունը։ 
 
Մասնաշենքի կապիտալ նորոգումը սկսվել է մեկ տարի առաջ:  Իրականացվել են շինարարական աշխատանքներ, մասնաշենքը հագեցվել է հաշմանդամների տեղաշարժի համար նախատեսված սարքավորումներով: Մշակվել են համակարգչային տեղեկատու ծրագրեր, որոնք կօգնեն դիմողներին առանց ժամանակ կորցնելու ստանալ իրենց հուզող հարցերի պատասխանները: Պաշտպանության նախարար Սեյրան Օհանյանը շրջայցից հետո տվել է համապատասխան ցուցումներ, հանձնարարականներ, որպեսզի վարչության աշխատակիցները ինչպես միշտ պատրաստակամորեն ընդունեն այցելուներին` կիսելով նրանց հոգսերն ու խնդիրները:

Հաշմանդամների օրվան նվիրված ցերեկույթ է կազմակերպվել կամերային երաժշտության տանը, որտեղ հաշմանդամություն ունեցողների հարցերին պատասխանել է զինծառայողների սոցիալական պաշտպանության վարչության պետ Սերժ Առուշանյանը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել