Lurer.com-ը գրում է.

ՆԱՏՕ-ն քաղաքականապես քողարկել է Անկարային, քանի որ կազմակերպությունը չի տվել հիմնարար գնահատական Թուրքիայի գործողություններին՝ ռուսական Սու-24-ի հետ միջադեպի վերաբերյալ: Այս մասին հայտարարել է ՆԱՏՕ-ում ՌԴ մշտական ներկայացուցիչ Ալեքսանդր Գրուշկոն:

«Հերթական անգամ մենք տեսնում ենք, որ քաղաքական նպատակահարմարության նկատառումները գերակայում են օբյեկտիվությանն ու ողջախոհությանը»,- «ՌԻԱ Նովոստին» մեջբերում է Գրուշկոյի մեկնաբանությունը՝ ՆԱՏՕ-ի գլխավոր քարտուղարի տեղակալ Ալեքսանդր Վերշբոուի հետ հանդիպումից հետո:

Նրա խոսքով՝ դա առաջին դեպքը չէ, երբ դաշինքը երկակի ստանդարտներ է կիրառում կազմակերպության անդամ երկրների օգտին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել