Tert.am-ը գրում է.
Արմավիրի մարզի Ապագա համայնքում սահմանադրական փոփոխությունների իրապատման «Հարավ» ուղղության քարոզարշավի «այո»-ի կողմնակից Հայաստանի PR ասոցիացիայի նախագահ Արման Սաղաթելյանը նշեց, որ այս փոփոխությունները իշխանության-ընդդիմության հակամարտություն չէ:
«Առաջարկվող նախագիծը իշխանությանն էլ չի, մի շարք ուժեր պաշտպանում են այս նախագծին, որոնք միշտ եղել են պառլամենտական համակարգի առաջ տանողները: Այսօրվա մի շարք ուժեր, որոնք գալիս էին ժամանակին պառլամենտ, իրենց նախընտրական ծրագրերում նշել են, որ ուզում են խորհրդարանական երկիր։ Այսօր չգիտես ինչու հրաժարվում են դրանից»,-ասաց նա:
Արմեն Սաղաթելյանը նշեց, որ պառլամենտական երկրներում է ամենաբարձր ժողովրդավարության և տնտեսական աճի ցուցանիշներն արձանագրվում:
«Պառլամենտական երկրներն են, որոնք կայուն զարգացման և ժողովրդավարության գործակցով երկուսուկես անգամ ավել են, քան մնացած այլ կառավարում ունեցող երկրները»,-ասաց նա:
ՀԱԿ խմբակցության պատգամավոր Հրանտ Բագրատյանը համամասնական և մեծամասնական ընտրությունների վերաբերյալ ասաց, որ եթե իշխանությունը ցանկանում է համամասնական ընտրություն իրականացնել, ապա դա Սահմանադրության հետ կապ չունի, և կարող են օրենքը փոխել:
«Սահմանադրության խնդիր չկա»,-ասաց նա:
