Ազատության հրապարակում մեկնարկեց Անոնիմուսների երթը , որն արտոնված է և խոստանում է խաղաղ բնույթ կրել (լուսանկարներ)

Tert.am-ը գրում է.

Այսօր ժամը 18.00-ին Երևանն արդեն 3-րդ անգամ միանում է Անոնիմուսների համաշխարհային երթին, որն սկսվեց Ազատության հրապարակից: Երթի մասնակիցներից ոմանք «Գայ Ֆոքսի» հայտնի դիմակներով են:

Երթն արտոնված է Երևանի քաղաքապետարանի կողմից:

Երկու տարի առաջ այս օրը ձերբակալված «Ցեղակրոն» կուսակցության առաջնորդ Շանթ Հարությունյանի որդին`Շահեն Հարությունյանը, Tert.am-ի հետ զրույցում ասաց, որ պայթուցիկներ չկան ու չեն լինելու:

«Սադրանքների չենք տրվում։ Մենք մեր ցույցն ենք անելու ու վերջ»,- ասաց նա։

Նշենք, որ մինչ այդ  երթի կազմակերպիչները միջոցառման ֆեյսբուքյան  էջում պարբերաբար հերքում էին  լուրերը, թե պատրաստվում են անկարգություններ հրահրել և պայթուցիկ նյութեր կիրառել: