Tert.am-ը գրում է․
Մեծ Բրիտանիայի նախկին վարչապետ Թոնի Բլեերը, ում հասցեին բազմիցս մեղադրանքներ են հնչեցվել իրաքյան պատերազմի համար, ամերիկյան CNN հեռուստաալիքին տված հարցազրույցում ներողություն է խնդրել այդ պատերազմում թույլ տրված սխալների համար։
Ինչպես տեղեկացնում է The Guardian-ը, քաղաքական գործիչը ներողություն է խնդրել նաև այդ սխալները կեղծ տեղեկատվության միջոցով արդարացնելու ջանքերի համար:
Բլեերը նաև նշել է, որ իրաքյան պատերազմում և Սադամ Հուսեյնի բռնատիրական ռեժիմի տապալման ծրագրերում թույլ տված սխալները հանգեցրել են ներկայում «Իսլամական պետություն» ահաբեկչական խմբավորման առաջընթացին:
«Իհարկե, սխալ կլինի ասել, որ մենք, 2003թ. տապալելով Հուսեյնին, որևէ պատասխանատվություն չենք կրում 2015թ. ստեղծված իրավիճակի համար»,-ասել է նախկին վարչապետը:
