Araratnews.am-ը գրում է.
Հնդկաստանի պաշտպանության նախարարությունը կանանց թույլատրել է ծառայել երկրի ՌՕՈւ մարտական ստորաբաժանումներում, հայտնում է ՏԱՍՍ-ը:
«Պաշտպանության նախարարությունը հավանություն է տվել ՌՕՈւ մարտական ստորաբաժանումներում կանանց ընդունելու որոշմանը: Այդ առաջադեմ քայլն արվել է՝ հաշվի առնելով հնդիկ կանանց ձգտումները եւ զարգացած երկրներում ՌՕՈւ ժամանակակից միտումները»,- ասված է հաղորդագրության մեջ:
Ինչպես նշել է ՊՆ պաշտոնական ներկայացուցիչ Սիտաշու Քարը, առաջին թեկնածուներն ընտրվելու են Ռազմաօդային ուժերի ազգային ակադեմիայի գործող կազմից:
«Մեկ տարվա ընթացքում նախապատրաստություն անցնելուց հետո նրանք 2017թ. հունիսին կարող են նստել կործանիչների ղեկին»,- հայտնել են գերատեսչությունից եւ հիշեցրել, որ ներկայումս կանայք արդեն ծառայում են նաեւ ինժեներական զորամասերում:
