Tert.am-ը գրում է.

Սահմանադրական փոփոխությունների նախագծի քարոզարշավը կազմակերպելու համար Հայաստանի Հանրապետական կուսակցության կողմից ստեղծված շտաբի առաջին նիստը տեղի կունենա հոկտեմբերի 24-ին, այս մասին Tert.am–ին հայտնեց ԱԺ «Հանրապետական» խմբակցության ղեկավար Վահրամ Բաղդասարյանը:

Ի պատասխան հարցի, թե ո՞վ է լինելու շտաբի քարոզչության պատասխանատուն, մարզերում` ովքեր կամ որ կառույցներն են լինելու շտաբերի պետերը, Վահրամ Բաղդասարյանն ասաց.«Հիմա այդ հարցերն ենք քննարկում»:

Հիշեցնենք, նախօրեին ՀՀԿ գործադիր մարմնի արտահերթ նիստում ՀՀԿ Նախագահ Սերժ Սարգսյանը շտաբի պետ է նշանակել վարչապետ Հովիկ Աբրահամյանին:

Մեր տեղեկություններով` շտաբը տեղակայվելու է ՀՀԿ կենտրոնական գրասենյակում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել