Հայկոն անսպասելի կերպարով եկավ «Սիրո գործակցի» պրեմիերային ու բոլորին զարմացրեց

«Սիրո գործակից» ֆիլմի պրեմիերային Կարգին Հայկոն՝ Հայկ Մարությանը, ներկայացել էր կերպարանափոխված, ինչն առաջացնում էր բոլորի զարմանքը։ «Սա իմպրովիզացիա էր, որի նպատակն էր բոլորին ժպիտ պարգևել։ Ինձ ով տեսնում է, ժպտում է, այնպես որ, ես հասել եմ իմ նպատակին»,- նշեց նա։

Հայկոյի խոսքով՝ իր կերպարանափոխությունը ևս մեկ մեսիջ ուներ. «Ես այսօր ինձ նմանեցրել եմ 70-ականների կերպարի, քանի որ համարում եմ, որ 70-ականները Հայաստանի ամենածաղկուն տարիներն էին, զարգանում էին գիտությունը, արհեստը, արվեստը,  մարդկային հարաբերություններն էլ ավելի ջերմ էին։ Այս փոքրիկ բեղերով ուզում էի «մեսիջ» տալ, որ մենք գնանք դեպի մեր ուզած Հայաստանը, գիտությունը զարգանա, մենք հարգենք ու սիրենք իրար, քանի որ հարաբերությունները մի փոքր սառել են»։