Մարդու օրգանզիմը միջինում 70%-ով բաղկացած է ջրից, ուստի զարմանալի չէ, որ ջուրն օրգանիզմին անհրաժեշտ է ամեն օր: Ոչ մի օրգան կամ համակարգ չի կարող ճիշտ գործել, եթե Դուք բավարար քանակով ջուր չեք խմում:

Ջուրը փրկում է սթրեսից

Եթե Դուք գտնվում եք սթրեսային վիճակում, ապա ջուր խմելուց լավ բան չի կարող լինել, չէ՞ որ ջրազրկումը խորացնում է սթրեսի ախտանշանները՝ գլխացավ, մկանային լարվածություն, սրտխփոց: Օրգանիզմում ջրի քանակության նույնիսկ աննշան պակասը զգալիորեն ազդում է էներգիայի և մտավոր պրոցեսների վրա: Բացի դրանից, ջրազրկումը նպաստում է սթրեսի հորմոնի՝ կորտիզոլի արտադրության ավելացմանը:

Խորհուրդ. մարդը պետք է օրվա ընթացքում խմի առնվազն ութ բաժակ ջուր: Սակայն ընդունվող ջրի քանակը կախված է բազմաթիվ գործոններից՝ տարիք, ֆիզիկական ատիվության մակարդակ, առողջական վիճակ, ընդունվող դեղորայք, եղանակային պայմաններ: Գլխավոր օրենքը, որով Դուք պետք է առաջնորդվեք, խմեք, երբ ծարավ եք:

Ջուրն օգնում է նիհարել

Ըստ հետազոտությունների՝ մարդիկ, ովքեր ուտելուց առաջ խմել են երկուական բաժակ ջուր, 12 շաբաթների ընթացքում կորցրել են գործնականում 2 կիլոգրամ քաշ: Ջուրը տալիս է հագեցվածության զգացում, թույլ է տալիս փոքրացնել ընդունվող սննդի չափաբաժինը և հրաժարվել քաղցր կալորիական ըմպելիքներից:

Ջուրն ամրապնդում է իմունիտետը

Օրգանիզմը հիվանդագին մանրէներից պաշտպանելու համար քթի և բերանի խոռոչի լորձաթաղանթները պետք է գտնվեն խոնավ վիճակում: Երբ դրանք չորանում են, վիրուսներն ու մանրէներն ավելի հեշտությամբ են հաղթահարում պաշտպանական արգելքները: Ջուրը նաև օգնում է Ձեզ պահպանել առողջությունը ճանապարհորդությունների ժամանակ: Օդանավի ներսում մենք ստիպված ենք շնչել չոր օդ, ուստի թռիչքի ժամանակ պարտադիր պետք է պարբերաբար ջուր խմել:

Ջուրը լավացնում է ինքնազգացողությունը

Անկախ նրանից, թե որքան է ջրի ջերմաստիճանը, խմելու բուն ընթացքը կտաքացնի Ձեզ ցրտին և կհովացնի տապին: Պարզվում է, ջուրը կարգավորում է մարմնի ջերմաստիճանը: Տապին մենք քրտնում ենք հովանալու համար, իսկ ցրտին դողում ենք տաքանալու համար: Սակայն ջրազրկման ժամանակ այդ մեխանիզմներն ավելի վատ են աշխատում՝ թե ցրտին, թե շոգին:

Խորհուրդ. քաղցր գազավորված ըմպելիքների, սուրճի և տաք շոկոլադի փոխարեն աշխատեք ջուր խմել: Օրվա ընթացքում Ձեզ հետ ջրի շիշ ունեցեք, և մի մոռացեք խմել այն: Եթե Դուք շատ եք շարժվում կամ սպորտով եք զբաղվում, աշխատեք ավելի շատ ջուր խմել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել