Իմ օրոք ակնհայտ է խաղի որակի բարձրացումը. Սարգիս Հովսեփյան

<<Պաշտպանների հետ անհնար է անհատական աշխատանք տանել, որովհետև նրանք հավաքականին են միանում մեկ-երկու օր առաջ: Ես կարծում եմ, որ մեր պաշտպաններն ու, ընդհանրապես, բոլոր տղաներն այսօր գերազանց խաղացին:

Ես ամեն ինչի մեջ ուզում եմ լավը տեսնել, ամեն ինչի մեջ դրականն եմ տեսնում, ի տարբերություն ձեզ>>, լրագրողի հարցին ի պատասխան` ասաց Հովսեփյանը:

<<Այսօրվա խաղում կարող էինք հաղթել, կարող էինք ավելին անել, բայց այս արդյունքից էլ գոհ եմ: Այսպիսի խաղից չի կարելի գոհ չլինել: Հիմա ինձ միավորներ պետք չէ, ինձ գոհացնում է տղաների տրամադրությունն ու խաղը: Հաղթանակները դեռ գալու են>>: 

<<Յուրա Մովսիսյանը պետք է եզրում խաղա, ով այնտեղ իրեն հիանալի է դրսևորում: Ես գոհ եմ Յուրայի այսօրվա խաղից>>:

<<Ցանկացած մարզիչ երազում է իրեն տեսնել ազգային հավաքականը գլխավորելիս, իսկ ես ինձ տեսնում եմ հավաքականի ղեկին, որովհետև ինչ-որ չափով ես զգում եմ տղաներին, նույնն էլ նրանք: Իմ աշխատանքը, որը տղաներն անում են խաղադաշտում, շատ գեղեցիկ է ստացվում: Սուտ կլինի ասել, որ չեմ ուզենա գլխավորել մեր հավաքականը>>,-իր` ապագայում հավաքականը նորից գլխավորելու մասին ասաց Հովսեփյանը: