Tert.am-ը գրում է.

ՀՀ արդարադատության նախարարի պաշտոնում նշանակված Արփինե Հովհաննիսյանին ըստ ՀՀԿ համամասնական ցուցակի  հաջորդականության՝ կփոխարինի «Եվրոպական ինտեգրացիա» հասարակական կազմակերպության նախագահ Կարեն Բեքարյանը:

Նշենք, որ նախարար նշանակված Արփինե Հովհաննիսյանի պատգամավորի լիազորությունները դադարեցվում են և ՀՀ կենտրոնական ընտրական հանձնաժողովը  թափուր մնացած մանդատը հանձնում է ՀՀԿ համամասնական ցուցակի հաջորդ թեկնածուին:

Ի դեպ, Արփինե Հովհաննիսյանը նաև ԱԺ էթիկայի ժամանակավոր հանձնաժողովի նախագահն էր, ինչպես նաև ԱԺ պետաիրավական հարցերի մշտական հանձնաժողովի և ԵԽԽՎ-ում հայաստանյան պատվիրակության անդամ, ինչը ենթադրում է, որ այս պաշտոնները ևս թափուր են մնացել:

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել