Newsbook.am-ը գրում է.

Հայ-ադրբեջանական սահմանին հարաբերական հանգիստ է` չնայած այն բանին, որ հակառակորդն այս գիշեր տարբեր ուղղություններով կրակ է բացել:

NewsBook-ի հետ զրույցում այս մասին ասաց ՀՀ պաշտպանության նախարարության մամուլի խոսնակ Արծրուն Հովհաննիսյանը: Առավել մեծաքանակ կրակոցներ հնչել են Սյունիքի մարզի Գորհայք բնակավայրի հայկական դիրքերի ուղղությամբ:

Հիշեցնենք, որ երեկ` ժամը 18:30 սահմաններում, հակառակորդը ՀՀ Նախիջևանյան սահմանի Սյունիքի մարզի Գորհայք բնակավայրի հայկական դիրքերի ուղղությամբ, կիրառելով նաև մեծ տրամաչափի զենքեր, ակտիվ կրակ է վարել: Մարտի ընթացքում, ցավոք, զոհվել է նաև ՀՀ ԶՈւ զինծառայող, շարքային պայմանագրային Արման Մայիսի Եփրեմյանը: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել