Գաջի և ցեմենտի արտադրության ծավալներն աճել են, ապրանքային բետոնինն ու տորֆինը` նվազել

Ոչ մետաղական հանքային արտադրատեսակների արտադրությամբ և հանքագործական արդյունաբերությամբ զբաղվող կազմակերպությունների թողարկած հիմնական արտադրատեսակներից այս տարվա հունվար-ապրիլին 2,1 անգամ ավելացել են հավաքովի երկաթբետոնյա կառուցվածքների արտադրության ծավալները: Համաձայն ազգային վիճակագրական ծառայության տվյալների՝ նախորդ տարվա նույն ժամանակահատվածի համեմատ գաջի արտադրությունն ավելացել է 23,5 տոկոսով, ցեմենտինը` 19,3 տոկոսով, ծակոտկեն լցանյութերինը` 32,8 տոկոսով, բնական քարից երեսպատման սալերինը` 12,1 տոկոսով, կրինը` 10 տոկոսով: