Ընթերցողներին ենք ներկայացնում ԱԺ ամենահարուստ պատգամավորներին:
Կարեն Կարապետյան
1982թ. ավարտել է Երեւանի պոլիտեխնիկական ինստիտուտը: 1989թ. գերազանցությամբ ավարտել է Դոնի Ռոստովի (ՌԴ) բարձրագույն քաղաքական դպրոցը: Ճարտարագետ-մեխանիկ: Քաղաքագետ: Տնտեսագետ:
1982-1983թթ. Կալինինոյի շրջանում աշխատել է ուսուցիչ, 1983-1985թթ.՝ հակակարկտային ջոկատի ճարտարագետ, ավագ ճարտարագետ, 1985-1987թթ.՝ ՀԼԿԵՄ Տաշիրի շրջկոմի գյուղբաժնի վարիչ, քարտուղար, 1988-1989թթ.՝ ՀԿԿ Տաշիրի շրջկոմի հրահանգիչ: 1990-1993թթ. եղել է «ՍԻԿ» արտադրաառեւտրային ձեռնարկության (Դոնի Ռոստով) գլխավոր տնօրեն, 1993-1999թթ.՝ Տաշիրի արծնապատ ամանեղենի գործարանի տնօրեն, այնուհետեւ նույն ԲԲԸ խորհրդի նախագահ:
1995-1999թթ.՝ Ազգային ժողովի պատգամավոր (թիվ 139 ընտրատարածք): Ազգային ժողովի պետական-իրավական հարցերի մշտական հանձնաժողովի անդամ: «Բարեփոխումներ» պատգամավորական խմբի անդամ:
1999-2003թթ.` Ազգային ժողովի պատգամավոր (թիվ 50 ընտրատարածք): Ազգային ժողովի ֆինանսավարկային, բյուջետային եւ տնտեսական հարցերի մշտական հանձնաժողովի անդամ: «Կայունություն» պատգամավորական խմբի քարտուղար, ապա «Ժողովրդական պատգամավոր» պատգամավորական խմբի ղեկավար:
2003-2007թթ. Ազգային ժողովի պատգամավոր (թիվ 39 ընտրատարածք): Ազգային ժողովի ֆինանսավարկային, բյուջետային եւ տնտեսական հարցերի մշտական հանձնաժողովի անդամ: «Ժողովրդական պատգամավոր» պատգամավորական խմբի ղեկավար:
2007թ. մայիսի 12-ին Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցությունից:
2008թ. սեպտեմբերի 30-ին ՀՀ Նախագահի հրամանագրով նշանակվել է ՀՀ Նախագահի աշխատակազմի ղեկավար:
Ամուսնացած է, ունի երեք երեխա:
Գագիկ Ծառուկյան
1989թ. ավարտել է Ֆիզիկական կուլտուրայի հայկական պետական ինստիտուտը: Ֆիզիկական կուլտուրայի եւ սպորտի ուսուցիչ, ըմբշամարտի մարզիչ: 1996թ. բազկամարտի աշխարհի եւ 1998թ. Եվրոպայի չեմպիոն: 2004 թվականից` Հայաստանի ազգային օլիմպիական կոմիտեի նախագահ: Պարգեւատրվել է «Սուրբ Գրիգոր Լուսավորիչ» շքանշանով (2002թ.) եւ Մովսես Խորենացու մեդալով (2003թ.):
1989-1990թթ. եղել է Երեւանի անասնաբուծական-անասնաբուժական ինստիտուտի ջերմոցային տնտեսության գլխավոր ճարտարագետ, 1990-1992թթ.` «Արմենիա» ընկերության գործադիր տնօրեն: 1992 թվականից ծավալել է ագարակատիրական եւ ձեռնարկատիրական գործունեություն. ստեղծել է անասնապահական համալիր եւ կաթնամթերքի արտադրության ձեռնարկություն (Աբովյանի տարածաշրջան, գ. Առինջ): 1995-ից մի շարք ձեռնարկություններից (1996թ.՝ Աբովյանի «Կոտայք» գարեջրի, 1997թ.՝ Աբովյանի չափիչ սարքերի գործարաններ, Երեւանի քիմիադեղագործական ֆիրմա, 1997-1998թթ.՝ կահույքի խանութների «MEK» ցանց, 1998թ.՝ «Ավիասերվիս» բաժնետիրական ընկերություն, «Զվարթնոց» օդանավակայանի «Ավիասնունդ» ձեռնարկություն, 1999-2002թթ.՝ «Մուլտի Լեոն» բենզագազալցակայանների ցանց, 2002թ.՝ «Մուլտի Սթոուն» քարի արդյունաբերական մշակման ընկերություն, «Արարատ» կոնյակի, գինու, օղու կոմբինատ, 2003թ.՝ Արարատի ցեմենտի գործարան) կազմված «Մուլտի Գրուպ» բազմաճյուղ կոնցեռնի հիմնադիրն է:
2003-2007թթ.` Ազգային ժողովի պատգամավոր (թիվ 42 ընտրատարածք): Ազգային ժողովի պաշտպանության, ազգային անվտանգության եւ ներքին գործերի մշտական հանձնաժողովի անդամ: Խմբակցություններում եւ պատգամավորական խմբում չի ընդգրկվել:
2007-2012թթ.` Ազգային ժողովի պատգամավոր (թիվ 28 ընտրատարածք): Ազգային ժողովի մարդու իրավունքների պաշտպանության եւ հանրային հարցերի մշտական հանձնաժողովի անդամ: «Բարգավաճ Հայաստան» խմբակցության ղեկավար:
2012թ. մայիսի 6-ին Ազգային ժողովի պատգամավոր է ընտրվել թիվ 28 ընտրատարածքից:
Ամուսնացած է, ունի վեց երեխա:
Դրանցից են Աբովյանի չափիչ սարքերի գործարանները, Երեւանի քիմիադեղագործական ֆիրման, «Մուլտի Գազ» գազալցակայանների ցանցը, «Մեկ» կահույքի խանութների ցանցը, «Արարատ» կոնյակի, գինու, օղու կոմբինատը, «Արարատ» ցեմենտի գործարանը, «Ավիասերվիս» բաժնետիրական ընկերությունը, «Տեխնոալյումին» ձեռնարկությունը, «Նյու» ընկերությունը, «Ալրաղաց» հացահատիկային կուլտուրաների մշակման ձեռնարկությունը, «Մուլտի Լեոն» բենզագազալցակայանների ցանցը, «Մուլտի Գրուպ Սթոուն» քարի արդյունաբերական մշակման ընկերությունը, «Մագաս Ինվեստ» մեքենաների վաճառքով զբաղվող ընկերությունը, «Մուլտի Ռեստ Հաուս» հյուրանոցային համալիրը, «Գլոբալ մոթորս» մեքենաների ներմուծմամբ եւ վաճառքով զբաղվող ընկերությունը, «Մուլտի Գրուպ Ջոսոնս» որսորդական խանութը եւ այլ ընկերություններ ու կազմակերպություններ:
Ծառուկյանը վերջերս ֆրանսիական Castel խմբից ձեռք է բերել «Կոտայք» գարեջրի գործարանի 100% բաժնեմասը:
Նկատենք, որ Ծառուկյանը չի բավարարվում եղածով և փորձում է ոչ միայն ներսում ընդլայնել բիզնեսը, այլ տարածվել երկրի սահմաններից դուրս:
Ծառուկյանը բիզնեսներ ունի Բելառուսում, Ուկրաինայում, Լատվիայում: Մասնավորապես, 2009 թ. նա կնոջ` Ջավահիր Ծառուկյանի հետ մոտ 25 մլն եվրոյով գնել է բուլղարական հանքային ջրերի «Gorna Banya» ընկերությունը: Այն Սոֆիայի մերձակայքում ունի հանքային ջրերի 3 աղբյուրներ: Իսկ ահա Ռիգայում Ծառուկյանին է պատկանում «Ռիգա» հյուրանոցը:
Սամվել Ալեքսանյան
2002թ. ավարտել է Հայկական գյուղատնտեսական ակադեմիան: Տնտեսագետ: Պարգեւատրվել է Հայաստանի Հանրապետությունում օլիմպիական շարժման զարգացմանը մատուցած ծառայությունների համար մեդալով (2002թ.):
1988-1990թթ. ծառայել է խորհրդային բանակում: 1990թ. աշխատել է «Սանտեխարտադրում» գործարանում վարպետ, 1993թ.` մետաղական կոնստրուկցիաների արտադրամասի պետ: 1994-2003թթ. զբաղվել է մասնավոր գործունեությամբ:
2003-2007թթ.` Ազգային ժողովի պատգամավոր (14 ընտրատարածք): Ազգային ժողովի ֆինանսավարկային, բյուջետային եւ տնտեսական հարցերի մշտական հանձնաժողովի անդամ: Խմբակցություններում եւ պատգամավորական խմբում չի ընդգրկվել:
2007-2012թթ.` Ազգային ժողովի պատգամավոր (7 ընտրատարածք): Ազգային ժողովի ֆինանսավարկային եւ բյուջետային հարցերի մշտական հանձնաժողովի անդամ: Խմբակցություններում չի ընդգրկվել:
2012թ. մայիսի 6-ին Ազգային ժողովի պատգամավոր է ընտրվել թիվ 7 ընտրատարածքից:
Ամուսնացած է, ունի հինգ զավակ:
1994-1999թթ. սովորել է Երեւանի Ժողովրդական տնտեսության ինստիտուտում եւ ստացել է տնտեսագետի որակավորում:
1999թ. ընդունվել է Հայաստանի Հանրապետության ֆինանսների եւ էկոնոմիկայի նախարարության տնտեսագիտական հետազոտությունների ինստիտուտի ասպիրանտուրան: 1999 թվականին հանդիսացել է «ԱՎՍԱՓ» ՍՊԸ-ի խորհրդի նախագահ:
2000-2002թթ. աշխատել է Հայաստանի Հանրապետության պետական գույքի կառավարման նախարարության մոնիտորինգի եւ աուդիտի վարչության մոնիտորինգի բաժնի պետ:
2003թ. պաշտպանել է գիտական թեզ եւ ստացել տնտեսագիտական գիտությունների թեկնածուի գիտական աստիճան:
2003-2004թթ. աշխատել է «Զանգեզուր Մայնինգ» ընկերության գործադիր տնօրեն:
2004-2007թթ.` Ազգային ժողովի պատգամավոր (թիվ 52 ընտրատարածք): Ազգային ժողովի ֆինանսավարկային, բյուջետային եւ տնտեսական հարցերի մշտական հանձնաժողովի անդամ: Խմբակցություններում եւ պատգամավորական խմբում չի ընդգրկվել:
2007-2012թթ.` Ազգային ժողովի պատգամավոր (թիվ 38 ընտրատարածք): 19.06.2007-07.05.2008թթ.` Ազգային ժողովի պետական-իրավական հարցերի մշտական հանձնաժողովի անդամ, 07.05.2008-05.02.2010թթ.` մարդու իրավունքների պաշտպանության եւ հանրային հարցերի մշտական հանձնաժողովի անդամ, 05.02.2010-31.05.2012թթ.` տնտեսական հարցերի մշտական հանձնաժողովի անդամ:
2012թ. մայիսի 6-ին Ազգային ժողովի պատգամավոր է ընտրվել թիվ 38 ընտրատարածքից:
Ամուսնացած է, ունի երկու երեխա:
Այս պատգամավորը այդքան հարուստ թերևս չէր լինի, եթե Հայաստանի ամենահարուստ գործարարներից մեկի` Մաքսիմ Հակոբյանի որդին չլիներ: Վերջինս Զանգեզուրի պղնձամոլիբդենային կոմբինատի սեփականատերն է: Վահե Հակոբյանը հորից անկախ հիմնել է նաև նոր բիզնեսներ: Մասնավորապես, նրան են պատկանում «Գառնի» հանքային ջրերի գործարանը, Սիսիանի քարի հանքերի գործարանը, «Սյունիքի բարիքներ» մսամթերքի և կաթնամթերքի գործարանը:
Արկադի Համբարձումյան
Ծնվել է 1971թ. ապրիլի 9-ին Երեւանում:
1994թ. ավարտել է Երեւանի պետական համալսարանը: Իրավաբան: 1986-1989 թթ. աշխատել է Երեւանի թիվ 5 հացի գործարանում բանվոր, 1989-1991թթ.` «Կաթ» ԱՄ-ում ԼԿԵՄ կոմիտեի ազատված քարտուղար: 1996-1997թթ. եղել է Երեւանի Շահումյանի շրջանի դատախազության քննիչ, 1997 թվականից՝ «Դերժավա» եւ «Սլավգրուպ» ընկերությունների նախագահ:
2003-2007թթ.` Ազգային ժողովի պատգամավոր (համամասնական ընտրակարգ, ՕԵԿ): Մինչեւ 2006թ. մայիսի 22-ը` ՕԵ խմբակցության անդամ: 2006թ. մայիսի 25-ից` «Գործարար» պատգամավորական խմբի անդամ: Ազգային ժողովի պաշտպանության, ազգային անվտանգության եւ ներքին գործերի մշտական հանձնաժողովի անդամ:
2007-2012թթ.` Ազգային ժողովի պատգամավոր (թիվ 29 ընտրատարածք): 19.06.2007-11.07.2008թթ.` Ազգային ժողովի արտաքին հարաբերությունների մշտական հանձնաժողովի անդամ, 11.07.2008-31.05.2012թթ.` գյուղատնտեսական եւ բնապահպանական հարցերի մշտական հանձնաժողովի անդամ
2012թ. մայիսի 6-ին Ազգային ժողովի պատգամավոր է ընտրվել թիվ 29 ընտրատարածքից:
Ամուսնացած է, ունի չորս երեխա:
Այս պատգամավորը ևս ավանդական հարուստ ընտանիքի զավակ է: Նրան խոշոր կարողություն է մնացել հորից` հայտնի գործարար Սլավիկ Համբարձումյանից: Արկադի Համբարձումյանը, ով հայտնի է «Դերժավայի Արկադ» մականունով, «Դերժավա» ընկերության սեփականատերն է: Այս ընկերությունը զբաղվում է համաշխարհային ճանաչում ունեցող այնպիսի ապրանքանիշերի ներմուծմամբ, ինչպիսիք են «Մարս»-ը, «Lacoste»-ն, «Colgate-Palmolive»-ը և այլն: Բացի այս՝ Արկադի Համբարձումյանին պատկանող ընկերությունը Հայաստանում Audi և Porsche մակնիշի ավտոմեքենաների պաշտոնական ներկայացուցիչն է:
Աշոտ Արսենյան
Ծնվել է 1960թ. նոյեմբերի 14-ին Ազիզբեկովի շրջանի Գնդեվազ գյուղում:
1986թ. ավարտել է Երեւանի շինարարության տեխնիկական առաջադիմության համալսարանը: Տեխնիկ-շինարար:
1980-1982թթ. ծառայել է խորհրդային բանակում: 1982-1984թթ. աշխատել է Ջերմուկի թիվ 6 ավտոբազայում գնորդ, 1985-1986թթ.` Սուրենավանի նավթամթերքի բազայի Ջերմուկի կայանի պետ, 1986-1988թթ.` Ջերմուկի թիվ 4 առողջարանի գլխավոր բժշկի տեղակալ: 1988թ. եղել է Ջերմուկի կուրորտմիավորման գլխավոր բժշկի տնտեսական գծով տեղակալ, 1993թ.` «Ջերմուկ» հանքային ջրի գործարանի տնօրեն, 1996թ.` Ջերմուկի քաղաքապետ: 1999թ. եւ 2002թ. վերընտրվել է Ջերմուկի քաղաքապետ, 1999թ.` «Ջերմուկ գրուպ» ՓԲԸ հիմնադիր նախագահ: Հայաստանի արդյունաբերողների եւ գործարարների միության վարչության, «Երկիր Նաիրի» հասարակական կազմակերպության պատվավոր անդամ:
2003-2007թթ.` Ազգային ժողովի պատգամավոր (համամասնական ընտրակարգ, ՀՀԿ): Ազգային ժողովի պետական-իրավական հարցերի մշտական հանձնաժողովի անդամ:
2007-2012թթ.` Ազգային ժողովի պատգամավոր (համամասնական ընտրակարգ, ՀՀԿ): Ազգային ժողովի տնտեսական հարցերի մշտական հանձնաժողովի անդամ:
2012թ. մայիսի 6-ին Ազգային ժողովի պատգամավոր է ընտրվել թիվ 39 ընտրատարածքից:
Ամուսնացած է, ունի երեք երեխա:
Նա «Ջերմուկ Գրուպ»-ի սեփականատերն է: Արսենյանին է պատկանում նաև բոլորովին վերջերս Հայաստանում բացված «Պեպսի Կոլայի» գործարանը:
Նա ունի նաև առողջարանային համալիրներ Ջերմուկում, բացի այդ՝ Արսենյանին պատկանող ընկերությունները զբաղվում են մի շարք ապրանքանիշերի ներկրմամբ:
Արայիկ Գրիգորյան
Ծնվել է 1963թ. մայիսի 10-ին Արարատի շրջանի Ավշար գյուղում:
1989թ. ավարտել է Երեւանի ժողովրդական տնտեսության ինստիտուտը: Տնտեսագետ:
1982-1984թթ. ծառայել է խորհրդային բանակում:
1989թ. աշխատել է Արարատի շրջանի հարկային տեսչությունում ավագ տեսուչ: 1991-1994թթ. զբաղվել է մենատնտեսությամբ: 1984 թվականից` Արարատի մարզի Ավշարի գինու գործարանի խորհրդի նախագահ:
2003-2007թթ.` Ազգային ժողովի պատգամավոր (համամասնական ընտրակարգ, ՀՅԴ): Ազգային ժողովի արտաքին հարաբերությունների մշտական հանձնաժողովի անդամ:
2007-2012թթ.` Ազգային ժողովի պատգամավոր (համամասնական ընտրակարգ, ՀՅԴ): 19.06.2007-11.07.2008թթ.` Ազգային ժողովի արտաքին հարաբերությունների մշտական հանձնաժողովի անդամ, 11.07.2008-31.05.2012թթ.` Ազգային ժողովի տարածքային կառավարման եւ տեղական ինքնակառավարման հարցերի մշտական հանձնաժողովի անդամ:
2012թ. մայիսի 6-ին Ազգային ժողովի պատգամավոր է ընտրվել թիվ 18 ընտրատարածքից:
Ամուսնացած է, ունի չորս երեխա:
Արայիկ Գրիգորյանին է պատկանում «Ավշարի գինու գործարան»-ը: Այն գինու արտադրությամբ զբաղվող գործարանների շարքում առաջատարն է Հայաստանում:
Նկատենք, որ այս գինու գործարանի շնորհիվ Հայաստանում մեծ թափով զարգանում է գինեգործությունը: Գործարանն իրականացնում է Արարատյան դաշտի մթերումների մեծ մասը:
Հակոբ Գառնիկի Հակոբյան
1975-1977թթ. ծառայել է խորհրդային բանակում:
1975թ. ավարտել է Երեւանի սննդի արդյունաբերության տեխնիկումը: Տեխնիկ-մեխանիկ: 1984թ.` Երեւանի Կ. Մարքսի անվան պոլիտեխնիկական ինստիտուտը: Ճարտարագետ-ջերմաէներգետիկ: 1988թ. ավարտել է ԽՄԿԿ կենտկոմին առընթեր Մարքսիզմ-լենինիզմի համալսարանի հայկական մասնաճյուղը: Տնտեսվարության ղեկավար: Տեխնիկական գիտությունների թեկնածու:
1974-1975թթ. եւ 1977-1983թթ. Երեւանի գարեջրի գործարանում աշխատել է ` որպես մեքենավար, 1983-1988թթ. սառնարանային-կոմպրեսորային արտադրամասում` ավագ վարպետ, արտադրամասի պետ, 1988-1997թթ.` գլխավոր ճարտարագետ, 1997-2000թթ.` տեխնիկական հարցերի գծով տնօրեն, 2000-2003թթ.` «Երեւան գարեջուր» ՓԲԸ տնօրեն, 2003-2007թթ.` գլխավոր տնօրեն:
2007-2012թթ.` ԱԺ պատգամավոր (թիվ 41 ընտրատարածք): ԱԺ տնտեսական հարցերի մշտական հանձնաժողովի անդամ: ԱԺ խմբակցություններում ընդգրկված չի եղել: Անկուսակցական:
2012թ. մայիսի 6-ին ԱԺ պատգամավոր է ընտրվել թիվ 41 ընտրատարածքից: ՀՀԿ անդամ:
2010թ. Հայաստանի ճարտարագիտական ակադեմիայի թղթակից անդամ է, 2011թ.` Ինժեներների միջազգային ակադեմիայի թղթակից անդամ:
Հեղինակ է գիտական 21 աշխատության:
Ամուսնացած է, ունի երկու երեխա:
Ալեքսան Պետրոսյան
1977թ. ավարտել է Հայկական գյուղատնտեսական ինստիտուտը: Ճարտարագետ-տեխնոլոգ:
1978-1991թթ. աշխատել է Հոկտեմբերյանի գինու գործարանում ճարտարագետ-տեխնոլոգ, 1991-1995թթ.` արտադրության պետ, գործարանի տնօրեն: 1995 թվականից` Էջմիածնի շրջանի Լենուղի գյուղի «ՄԱՊ» ՓԲԸ գործադիր տնօրեն եւ խորհրդի նախագահ:
2003-2007թթ.` Ազգային ժողովի պատգամավոր (համամասնական ընտրակարգ, ՕԵԿ): Մինչեւ 2006թ. մայիսի 22-ը` ՕԵԿ եւ ՕԵ խմբակցության անդամ: 2006թ. մայիսի 25-ից` «Գործարար» պատգամավորական խմբի անդամ: Ազգային ժողովի արտաքին հարաբերությունների, ապա ֆինանսավարկային, բյուջետային եւ տնտեսական հարցերի մշտական հանձնաժողովների անդամ:
2007-2012թթ.` Ազգային ժողովի պատգամավոր (համամասնական ընտրակարգ, ՀՀԿ): Ազգային ժողովի տնտեսական հարցերի մշտական հանձնաժողովի անդամ:
2012թ. մայիսի 6-ին Ազգային ժողովի պատգամավոր է ընտրվել թիվ 21 ընտրատարածքից:
Ամուսնացած է, ունի երեք երեխա:
Արտակ Սարգսյան
Ծնվել է 1973թ. հուլիսի 13-ին Երեւանում:
2001թ. ավարտել է Հայաստանի պետական գյուղատնտեսական ակադեմիան` ագրարային արտադրության տնտեսագիտություն եւ կառավարում մասնագիտությամբ:
1997թ. հիմնադրել է «ՍԱՍ գրուպ» հոլդինգը: 1997-2012թթ. եղել է հոլդինգի նախագահ: 2011-2012թթ. եղել է «Արտակ Սարգսյան» բարեգործական հիմնադրամի հոգաբարձուների խորհրդի նախագահ:
2004-2007թթ.` ԱԺ պատգամավոր (թիվ 44 ընտրատարածք): ԱԺ պաշտպանության, ազգային անվտանգության եւ ներքին գործերի մշտական հանձնաժողովի անդամ: 2004-2006թթ.` «Օրինաց երկիր» խմբակցության, 2006-2007թթ.` «Գործարար» պատգամավորական խմբի անդամ:
2006թ. ՀՀԿ անդամ է:
2012թ. մայիսի 6-ին ԱԺ պատգամավոր է ընտրվել թիվ 4 ընտրատարածքից:
2008թ. պարգեւատրվել է «Հայրենիքին մատուցած ծառայությունների համար» 2-րդ աստիճանի մեդալով:
Ամուսնացած է, ունի երեք զավակ:
Աղբյուր Slaq am
