Քիմ Քարդաշյանն ու Քրիս Ջենները հաճախ են նույն ոճի հագուստ ու շպար կրում։ Պարզ չէ` նրանցից որն է ոգեշնչում մյուսին, սակայն մայր ու դուստր առանձնապես չեն նեղվում, որ նորաձևության գիտակներն իրենց կարող են մեղադրել միմյանց ոճը կրկնօրինակելու մեջ։
59-ամյա Քրիս Ջենները սկսել է որոշ զգեստներ փոխառել Քիմի զգեստապահարանից։ Քիմն այս կաշվե բաճկոնը վերջին անգամ կրել էր անցյալ տարի, երբ գնացել էր Արիզոնա՝ Աշխարհի գավաթի առաջնությունը դիտելու։ Երեկ Քրիսն այս հագուստով դուրս եկավ Նյու Յորքի «Trump SoHo» հյուրանոցից: Ինչպես Քիմը, այնպես էլ Քրիսն այս կաշվե բաճկոնը համադրել էր խոր լանջաբացվածքով շապիկի, սև կիպ անդրավարտիքի ու մուգ ակնոցների հետ։
 |
 |
Միայն թե Քրիսի դեպքում ակնոցները զուտ ոճային տեսք հաղորդելու համար էին օգտագործված, քանի որ նա հյուրանոցից դուրս էր եկել բավականին ուշ ժամի, երբ արևի կիզիչ ճառագայթներն այլևս նրան չէին սպառնում։
Նախորդ օրը Քրիսը մասնակցել էր Մետ Գալային, որտեղ նա ներկայացել էր վառ կարմիր զգեստով ու խոշոր ականջօղերով։ Այս զգեստը մոդելավորվել էր այն նույն դիզայների կողմից, ով զբաղվում է Քիմի զգեստների մոդելավորմամբ։ Քրիսն ու Քիմը հաճախ են օգտվում դիզայներ Բալմեյնի ծառայություններից։
