Հայոց ցեղասպանությունից ուղիղ 100 տարի անց խորհրդավոր մի ռեժիսոր (Սիմոն Աբգարյան) «Լոս Անջելես» թատրոնում բեմադրում է ներկայացում՝ ի հիշատակ մի ամբողջ դար մոռացված և մերժված սարսափելի ոճրագործության զոհերի: Սակայն երբ ցուցարարները շրջապատում են թատրոնը, և մի շարք տարօրինակ պատահարներ խուճապ են առաջացնում պրոդյուսերի (Ջիմ Փիդդոք) և դերասանների (Անժելա Սարաֆյան, Սեմ Փեյջ, Նիկոլայ Կինսկի) մոտ, պարզվում է, որ ռեժիսորի առաքելությունը խիստ վտանգավոր է, և անցյալի ուրվականներն ամենուր են: 

Հոգեբանական թրիլլերի ռեժիսորներ և սցենարի հեղինակներն են՝ Կարին Հովհաննիսյանը և Ալեք Մուհիբյանը, պրոդյուսերները՝ Կարին Հովհաննիսյանը, Ալեք Մուհիբյանը և Թերրի Լեոնարդը, գործադիր պրոդյուսերը՝ Րաֆֆի Հովհաննիսյանը, երաժշտության հեղինակը՝ Գրեմմիի մրցանակակիր Սերժ Թանկյանը (System of a Down):