Առավոտյան էլիքսիր․կիտրոնով և քրքումով գոլ ջուր

Հնարավոր է արդեն տեղյակ եք քրքումի (куркума, turmeric) բազում բուժիչ հատկություններին, սակայն ևս մեկ անգամ կհիշեցնենք։ 

 

Քրքումը դեղնա-նարնջագույն համեմունք է, որը գալիս է Հնդկաստանից և պատկանում է կոճապղպեղների ընտանիքին։ Այս համեմունքը հայտնի է որպես քաղցկեղածին ազատ ռադիկալների դեմ պայքարող, այն ունի անտիսեպտիկ և հակաբորբոքային հատկություններ։ Քրքումի օգտագործումը կօգնի լինել առողջ և օրգանիզմը կապահովի անսպառ էներգիայով։

 

Ներկայացնում ենք քրքումով պատրաստվող ըմպելիք, որը պետք է խմել առավոտյան, որը ձեզ էներգիայով կապահովի ողջ օրվա ընթացքում։ Ըմպելիքի պատրաստման համար անհրաժեշտ են․

 

• 1 բաժակ գոլ ջուր կամ կաթ

 

• ¼ ճաշի գդալ քրքում

 

• ½ ճաշի գդալ մեղր

 

• կես կիտրոնի հյութ

 

• 1 պտղունց դարչին։

 

Պատրաստման եղանակը

 

Գոլացնել ջուրը կամ կաթը, ավելացնել քրքումը, կիտրոնի հյութը, դարչինն ու մեղրը։ Այս ամենը լավ խառնել և խմել, քանի դեռ այն գոլ վիճակում է։